Imphal, ïaïong:
Ki pulit ka Manipur ki la bthah ïa baroh ki nongbat License/nongdie tiar siat ha Kangpokpi distrik ban aiti ïa ki kopi ba la pynshisha hi dalade jong ki License ryngkat bad ka dur ba la pyndap sha ki thanat ba jan tam jong ki hapoh ka 25 tarik, Ïaïong, 2025, na ka bvynta ban pynshisha.
Ka Ophis jong u Officer-in-Charge Saikul Police Station, Kangpokpi District, Manipur ka la ong, “Da kaba bud ryntih ïa ka hukum ba la pynmih ha ka 25 tarik u Lber,2025 na u Commisioner (Home), jong ka sorkar Manipur bad katkum ka jingbthah jong ka Supreme Courts ha ka SLP (Cril)No.12831 jong u snem 2022, baroh ki nongbat License/nongkhaïi tiar siat ha Kangpokpi distrik ki dei ban aiti ïa ki kopi jong ki License ba la pynshisha hi dalade ryngkat bad ka dur ba la pyndap ba la buh ryngkat bad kane sha thanat pulit ba jan tam jong ki ha lane shwa ka 25 tarik, Ïaïong,2025 na ka bynta ban pynshisha.”
“Ka jingbym kohnguh ka lah ban wanrah ïa ka jingpynshitom bad jingpyndam ïa ki License,” ong ka hukum.
Ka hukum ka la kyntu ruh ïa ki bor synshar shnong ban pynthikna ba ki nongbat License jong ki tar siat ha la ki jong ki jong ki shnong kin ïoh jingtip bad kohnguh ïa ka rukom pyntreikam ha kaba ïadei bad ka jingpynshisha.
Kane ka jingpyntreikam ka la long naduh ba la buh ïa ka jingpyntreikam ïa ki lad jingïada bad ki jingshngaiñ ha ka jylla naduh ba la pyntreikam da ka jingsynshar President ne ka President’s Rule.
Ha ka 20 tarik u Rynphang, 2025, u Lat ka jylla Manipur, u Ajay Kumar Bhalla, u la kyrpad ban aiti noh ïa baroh ki tiar ïaleh bad ki tiar siat kiba la shah lute.
Kane ka la pynlong ban ïoh kurup haduh 1,000 tylli ki tiar siat, kynthup ïa ki tiar siat kiba khlaiñbor bad ki kuli ïasiat kiba bun, ha ka 6 tarik, Lber.
