Shillong, Ïaïong 22
Ka kynhun ïalehkai phut -bol Under-20 ka Jylla kan mih na ka nongbah ban leit shim bynta ha ka Swami Vivekananda U-20 Men’s National Foot-ball Championship 2025 ka ban long ha Narain-pur, Chhattisgarh.
Ïa kane ka kynhun kaba don 18 ngut ki ‘rang ïalehkai la ïalam da u Bah Bobby L. Nongbet kum coach bad u Bah Damehi Kyndiah (Asst Coach) ha kaba kin mih mynta ka Sngi Balang na ka nongbah ban leit sha Chhattisgarh.
Kumta shwa ba kane ka kynhun kan mih na ka nongbah, na ka liang ka Meghalaya Football Asso -ciation (MFA) hapoh ka jingïalam u Bah Ham-letson Dohling kum President bad u Bah Sunesh Syiem kum General Secretary nalor kiwei pat ki la leit ïakynduh kyrpang ïa katei ka kynhun ha ka step Sngi Ba-ar ha SSA Stadium kaba ha First Ground, Polo na ka bynta ban ai khublei kitbok ïa kane ka kynhun khnang ba kan lah ban ïalehkai bha bad ban pynpaw ïa ki sap ba kyrpang jong ki.
Ha katei ka lympung, ka Meghalaya ka la don ha ka Group-A ha kaba la kynthup lang ïa ka Kerala, Jammu & Kashmir, Bihar bad ka Rajasthan. Te kumta ka Meghalaya kan pynkhreh ïa ka jingïakhun pyrshah ïa ka Jammu & Kashmir ha ka 27 tarik mynta u bnai.
Kumba ka paw kane ka kynhun ka long ba la pynkhreh mynta la kumba shi bnai na ka bynta katei ka lympung bad ka la ïoh ban jied ïa ki rangïalehkai kiba kynsai.
“Ngi la ïoh ban pynkhreh ïa kane ka kynhun mynta la kumba 25 sngi eiei bad ngi la ïoh ban jied ïa ka kynhun kaba kynsai. Ngi khmih lynti ba kane ka kynhun kan lah ban ïalehkai bha ha katei ka lympung,” la pynpaw u Bah Bobby haba ïakren bad u nongthoh khubor ha ka Sngi Ba-ar.
Hapdeng kane ka jingpynkhreh, ka Jylla ka la duh noh ïa ki lai ngut rangïalehkai ba kynsai ki ban duh leit lang bad ka kynhun sha Chhattisgarh na ka daw ba kin hap ban pynkhreh ïa ka eksamin SSLC (Supplementary) ban pynlong da ka MBOSE ha u Jymmang mynta u snem.
Ka Meghalaya kan bteng ïa ka jingïalehkai kaba ar pyrshah ïa ka Rajasthan ha ka 29 tarik, ïa ka Kerala ha ka 3 tarik u Jymmang bad ïa ka Bihar ha ka 5 tarik.
Ki khatphra ngut rangïalehkai ka Jylla ki long u Rimankhraw Khar -umnuid, Riborlang L. Lyngkhoi, Franky Dkhar, Mebannangkiew Thabah, Chibait Pamthied, Banplie -bok Khongjoh, Banlam-kupar Rynjah, Deibor-mame Tongper, Ricky Kharkongor, Richborn Kharpuri, Bipush G. Marak, Babitlang Wah-lang, Jovialstar L. Lyng -khoi, Pyrkhatsha-phrang Sumer, Nikiboy Swer, RT. Handson Pdang, Pynshailang. L. Nonglait bad u Arkini Laloo.
