Los Angeles, Jymmang:
Ki bor pyniaid ka US ki iathuh ba uwei ‘riew kieng atiar, ha ka Sngi Thohdieng u la ther kuli sha ar ngut ki kynthei ha ka phyllaw jong kawei ka jaka pule hajan ka nongbah Los Angeles jong ka United States.
Kawei napdeng jong ki ka la mynsaw jur bad kawei pat ka don hapdeng ka jinglong-jingman kaba biang hadien ba la ioh ban pynkit noh ia ki baroh ar ngut sha jaka sumar.
Kane ka la jia ha ka por kumba shiteng sngi ha ka phyllaw jong ka Spartan College, kaba long ka jaka pule shimet ha Inglewood.
Ki pulit ki suba ba utei u runar u dei hi u nongtrei barim jong katei ka jaka pule namar katkum ki dur ba la ioh ring na ka CCTV la iohi ba utei u briew u phong ia ki jaiñ riam kum ki nongap pahara jong katei ka jaka pule.
