Guwahati, Jymmang:
Ïa ka jingthep vote biang la pynlong hynnin ka sngi ha ki 43 tylli ki jaka thep vote ha kylleng ki san tylli ki distrik jong ka Assam, hadien ka jingthut ha ka por jong ka bynta ba nyngkong jong ka ilekshon Panchayat.
Ka Assam State Election Commission (ASEC) ka la bthah ban thep vote biang namar ka jingthep vote kaba la pynthut, kynthup ïa ka jingleh thombor bad ka jingpynjot ïa ki tiar ilekshon.
Kiba bun na kine ki jaka thep vote, baroh 31 tylli, ki don ha ka Elaka Hailakandi jong ka Barak Valley, kaba la mad ïa ki jingthut kiba jur ha ka por ba sdang.
Ki 8 tylli ki jaka thep vote ha Sribhumi distrik, kiba don ruh ha Barak Valley, kin pynlong biang ïa ka jingthep vote. Ar tylli ki Station ha Lakhimpur distrik bad kawei kawei ka Station ha Golaghat bad Majuli distrik ruh ki la sakhi ïa ki jingthep vote kaba thymmai.
“Ki nongpynthut ki la pynthut ïa ka jingthep vote, khamtam ha ka thaiñ Barak Valley,” ong u heh ophisar jong ka ilekshon. “Kine kim dei ki kam runar ba la pynbeit, hynrei ki dei ki jingïalehkai kynhun bad ki jingjia jong ka jingleh donbor kaba ktah ïa ki nongtrei kiba trei shitom ha ka por ba don ka jingthep vote.”
Ka jingthep vote biang la shim ba ka long kaba donkam namar ka jingjulor jong ki tiar thep vote, ki kot thep vote, bad ki synduk thep vote, bad kumjuh ruh ki jingpynthut shipor kiba ïadei bad ki nongtrei ba la pyntreikam ha ka por ba thep vote. “Ym shym la lah ban pyndep ïa ka jingthep vote ha kano kano na ki jaka thep vote.
Wat hapdeng kine ki jingjia, ka ASEC ka la pynpaw ba ka jingwan thep vote kaba khatduh ka la palat ïa ka 70% na ka bynta ka bynta ba nyng-kong jong ka jingthep vote ha nongkyndong, kaba la ktah ïa ki 14 tylli ki distrik ha ki thaiñ ba shalor, ba Shatei, bad ka thaiñ Barak Valley.
Ka jingkheiñ jong u District Commissioner ka pyni ba ka jingwan thep vote ka long kumba 70.19%.
“Lait noh tang katto katne ki jaka thep vote ha kaba la jia ki jingjia bym sngewtynnad, ïa ka bynta ba nyngkong jong ka ilekshon Panchayat 2025 la pyndep da kaba suk,” ong u Secretary jong ka ASEC ha ka jingpynbna paidbah.
Ka bynta ba nyngkong jong ka ilekshon ka la long ha ka sngi Thohdieng ha ki distrik kiba kynthup ïa ka Tinsukia, Dibrugarh, Charaideo, Sivasagar, Majuli, Jorhat, Golaghat, Dhemaji, Lakhimpur, Sonitpur, Biswanath, Cachar, Hailakandi, bad Sribhumi.
