New Delhi, Jylliew:
Ka India ha kane ka por ka la pynpaw ia ka jingsngewkhia halor ka jingartatien ioh ka Pakistan kan pyndonkam bakla ia ka $800 Million kaba kan ioh.
Ki heh shipai mynta ki dang ialeh ban pyniaid ia ka Investment Facilitation Council, ka ban ailad ban kham lah ban pyntreikam ia ka polisi kamai. Ka India ka la maham ba kane ka bynta shipai kaba la rim bha ka wanrah ïa ki jingma kiba khraw jong ka jingpynkylla ïa ki polisi bad ka jingpyntreikam kaba sniew ïa ki jingpynkylla.
Ka jingkheiñ ia ka khajna bad ka GDP jong ka Pakistan ka la nang hiar, ha kaba katei ka ri ka kynduh jingeh namar ka jinghiar ha ka ioh- ka kot jongka. Ka pisa bar ri ka la poi sha ka tduh, katba ka jingkiew dor pat ka la nang kiew arshah. Hynrei wat hapdeng ka jingeh ha ka liang ka ioh- ka kot, ka sorkar ba la synshar da ki shipai ka la ialeh shitom ban pynmih pisa naka bynta ban pynkiew ia ka jingpynlut ha ka kam iada ri.
Ka jingsngewkhia jong ka India ka long ba ia kine ki pisa lah ban pynkylla sha ka jingpynlut ha ka kam iada ri. Ki liengsuiñ ïapom ba la thied na China bad ka jingbun ki drone ba la pyndonkam da ka Pakistan hadien ka Operation Sindoor ka pyni ïa ka jingkiew ka jingpynlut ha ki tiar ïakhun.
Shuh shuh ruh la kdew ba dang shen ka Pakistan ka la leit pan jingïarap na ka tnat IMF na ka bynta ka jingai jingiarap kaba 24, kaba pyni ia ka jingbym treikam jong ka polisi. Kane ka pyni shuh shuh ba ki prokram ba mynshuwa ba la kyrshan da ka ADB bad IMF kim shym la lah ban pynim ne pynkylla dur ia ka jinglong jingman bad ia ka ioh- ka kot jong ka Pakistan.
