Washington, Risaw:
Ka sorkar jong u President ka America, u Donald Trump, ha ka Sngi Balang ka la pynbna ba ka la beh kam ia u nongtrei jong ka State Department, uba la kyntait ba um shym la don jingiadei kaba jan bad kawei ka nong China.
“Ka tnat kam bar ri ka la pynkut noh da kaba pynbna ïa ka jingtrei jong uwei u heh ophisar ka Foreign Service uba la kam ba u la buhrieh ïa ka jingïadei kaba sngewtynnad bad kawei ka nong China, ba la ju tip ba ka don jingïadei bad ka seng Communist jong ka China,” la ong une u nongaiktien jong ka tnat kam bar ri ka US, u Tommy Pigott.
Ka tnat kam bar ri ka la ong ba u ophisar, u briew uba kam shym la ithuh kyrteng, u la ong ha ka camera ba katei ka kynthei China “ka lah ban dei ka nongsyntiat” hynrei ym pat lah ban pynshisha ba kan dei shisha ne em ka nongsyntiat ba la phah da ka China.
U nongtrei ba la beh kam u la ong ba u kpa jong u paralok jong u, u dei u dkhot jong ka seng Communist uba ju iadei kam bad ka China ha man ki por baroh.
Ka seng Communist jong ka China ka don jingiadei bad kiba bun ki paidbah nong US, kiba don jingiadei bad ki nong China naduh ka pule- puthi, ha kaba bun ki nong China kiba rit paid ki pynneh ïa ka jingïadei namar ka jingtreikam kumba pynneh ïa ka jingmut jingpyrkhat.
Ka tnat kam pohïing ka la ong ba ka dei ka jingshah weng kam kaba nyngkong eh kaba la tip ba la shim katkum ka hukum ba la soi da u Trump tang hadien ba u la wanphai biang sha ka kam ha kaba u la hukum ba baroh ki nongtrei “ki dei ban bud ryntih ïa ki kyndon polisi ba la buh da u President.”
“Ngin pynneh ia ka polisi ban ym shah ia kino kino ki nongtrei kiba pynthut ne wanrah jingma ia ka jingshngaiñ jong ka ri jong ngi,” la ong u Pigott.
Ka ri America ha kaba sdang jong une u snem ka la ong ba kan khanglad ïa ki nongtrei na China ban iadei bad ki nongshong shnong ka ri, ka sienjam kaba pynkynmaw ïa ka thma bah ba ar.
