Jerusalem, Naiwieng:
Ha ka jingkren kaba kut bad kaba jylliew bha sha ka jaitbynriew, u heh duh jong ki shipai Israel, u Lieutenant General Eyal Zamir, u la pynbna ïa ki lad aiñ ba pyrkhing pyrshah ïa ki ophisar ba rangbah jong ki shipai Israel (IDF) namar ka bynta jong ki ha ki jingbymlah ban thombor ha ki kam thombor jong ka Hamas ha ka 7 tarik u Risaw, 2025. Kane ka jingpynbna, ka long kaba khraw tam ha ka histori jong ka tnat shipai IDF jong ka Israel. Ka bud ia kaei kaba u Zamir u la batai kum ka “jingtohkit kaba bniah, kaba tbit bad kaba jylliew” shaphang ki jingpynthut jong ki kor- ki bor ïada ri, kiba khlem shym la lah ban tehlakam ia ka jingshah thombor kaba shyrkhei ha katei ka por ka jingleit hiar thma jong ki lehnoh Hamas pyrshah ia ka ri Israel.
Haba kren ha ka 23 tarik u Naiwieng, 2025, u Zamir u la kren shaphang ki ar tylli ki kam kyrkieh kiba u la kit ryngkat bad u ha ka por ba u shimti ïa ka kam shipai ba ha khlieh duh jong ka Israel. “Kaba nyngkong – ban ialam ia ka IDF sha ka jingjop kaba kut ha ka thma ba bun jait… Kaba ar – ban pynskhem ia ka jingshaniah jong ki paidbah ha ka IDF bad ban pynthikna ba ki jingjia jong ka 7 tarik, u Risaw kin ym jia shuh,” u la ong.
Ka jinghiar thma kaba la jia ha ka 7 tarik u Risaw, kaba la pynlong da ka Hamas bad kiwei kiwei ki lehnoh kiba don ha Gaza, ka la sakhi ïa ki jingleit rung tuh ki lehnoh Hamas na ryngkew, suiñbneng bad wat na duriaw, ha kaba, palat 1,200 ngut ki nong Israel ki la shah pyniap dusmon ha katei ka por bad bun na ki, ki dei ki riew paidbah, bad kumba 240 ngut ruh ki la shah rahbor sha nongbah Gaza. Ki shnong baroh kawei kiba don hajan khappud ki la shah pynpra, bad ki jaka buh shipai ba kongsan ki la shah pynkheiñ, kaba la pynpaw ïa ki jingbymlah kiba jylliew ha ka jingbishar bniah ïa ki jingtip ba bniah, ka jingpynkhreh ïa ki bor, ki rukom ai jingmaham kloi, bad ka jingshim rai jong ki bor synshar.
U Zamir u la ban jur ba ka jingthmu ba kongsan jong ka IDF – ban ïada ïa ki riew paidbah Israel – ka la pulom ha katei ka sngi. “Ki jingpynkut jong nga ki pyni ia ka dur kaba khlem jingartatien: ka IDF ka la bakla ha ka kamram ba kongsan jong ka ha ka 7 tarik u Risaw ban iada ia ki riew paidbah jong ka Jylla Israel. Kane ka dei ka jingbymlah kaba jur, kaba sawa, kaba ryntih… Ki jinghikai jong kata ka sngi ki long kiba bun bad kiba kongsan.”
Ki lad ki lynti kiba u la pynpaw ki kynthup ïa ka jingweng noh ïa ki katto katne ngut ki heh shipai kiba heh na ka kam reserve – napdeng jong ki u Aharon Haliva, u Oded Basyuk, bad u Yaron Finkelman – ha kaba uwei pa uwei u la kit ïa ka jingkitkhlieh ha ka kam ne ka kam wad bniah ha ka sngi ba jia ka jingshah thombor.
La pynmih ruh ïa ki jingsneng ïa ki heh shipai suiñ, u Major General Tomer Bar, u heh shipai duriaw, u Vice Admiral David Saar Salama bad u Major General Shlomi Binder, katba ïa kiwei pat ki brigadier general bad colonel kiba bun ki la pyllait noh na ka kam reserve lane kin shongthait noh.
Da kaba pdiang ia ka jingkhia jong ki rai jong u, u la ong, “Ki nongtrei hapoh jong nga, kam long kaba suk ban shim ia ki rai kiba ktah ia ki briew kiba nga sngewnguh… ki briew kiba nga la ialeh marjan marjan la bun snem. Nalor kata… ka don ka jingkitkhlieh ban buh ia ka nongrim kaba shai jong ka jingkitkhlieh hukum… Lada ngim pynjanai ia ka jingmut jong ka rukom synshar.”
U la ban jur ba bun na ki ophisar kiba ïakynduh ïa ki jingeh ki la ïalam ruh ïa ka Israel sha ki jingjop kiba kongsan ha ka por thma ha kine ki ar snem ba la dep bad u la maham pyrshah ïa ka jinglong tynrai jong ka imlang sahlang ban pynjah burom ïa kito kiba la shakri ïa ka jaitbynriew da ki phew snem.
“Ngim dei ban long ka ri kaba pynjah burom ia ki nongialam jong ka; ngin ym ailad ba kan long kumta,” u la ong.
U Zamir u la pynpaw ruh ïa ki jingtreikam kiba dang ïaid shakhmat, da kaba kdew ba ka Israel “kan ym ailad ïa ki jingma ban mih; kan ym don kano kano ka jingkhanglad,” bad u la ai khublei ïa ki shipai IDF kiba treikam ha kylleng ki liang.
