Jowai, Ïaiong 03
Ka Goodwill Mupliang SC ka la pynliem da 3 wicket ïa ka The Legend (Lissi Pearl) ha ka Semi Final ba nyngkong jong ka District Cricket League kaba pynïaid da ka West Jaiñtia District Cricket Association (WJHDCA) kaba long ha madan Khliehtyrshi haka 2 tarik Ïaiong 2026.
Hadien ba jop ïa ka toss, ka Goodwill Mupliang SC ka la jied ban kawang bol nyngkong. Ka The Legend haba tied nyngkong ka la kamai tang 73 ron na ki 25.3 over bad liem lut noh baroh 10 wiket. U Conard Sana u la kamai 28 run katba u Rainbow Phawa u la kamai 16 run. Na ki nongkawang bol, u Greatestful Lyngkhoi, u Defender Dhar bad u Levestar Phawa ki la ïoh mar 3 wiket.
Ha ka inning ba ar, ka Goodwill Mupliang SC kala kynjoh ïa ka thong na ki 14.5 over bad kamai 78 ron bad liem 7 wiket. U Richest Star Dhar u la kamai 24 ron katba u Oniwanker Sna u la kamai 23 ron. Na ka liang ka The Legend, u Callten Sari bad u Dachange Mi Phawa ki la ïoh mar 2 wiket.
Ïa ka khusnam ‘Man of the Match’ la khur da u Greatestful Lyngkhoi.
Ka Semi Final ba ar kan long ha ka 04 tarik u Ïaiong 2026 hapdeng ka Lion Y&SA bad ka West Jaiñtia Police CC ha madan Khliehtyrshi ha ka por 9:00 baje mynstep.
