Washington, Iaiong:
U President ka US, u Donald Trump, ha ka Sngi U Blei u la pynpaw ïa ka jingbym sngewtynnad halor ka jingbym ai jingkyrshan jong u Lyngdoh niam Pope Leo XIV halor ka thma jong ka US pyrshah ïa ka Iran, ha kaba, u la pynpaw ba um ju itynnad satia ïa utei u pope ba thymmai mynta.
U Trump u la kren pynrem ïa utei u nongialam niam namar ba utei u pope um shym la ai jingkyrshan ïa ka jingleit hiar thma jong ka US pyrshah ïa ka Iran, ha kaba, u la ong ba utei u nongialam u dei u briew u bym don jingsngew halor ki kam sniew bad ki kam thombor kiba wan jia hapoh ka imlang- sahlang bad ha ka pyrthei baroh kawei bad na kane ka daw, um shym kwah ban pynduh jait noh ïa kitei ki kam sniew kiba ka pyrthei baroh kawei ka la sakhi.
Namar u la ong ruh ba ka US ka sngewthuh shai ba ym long ban ialehkai bad katei ka ri kaba shu pyn-ap beit tang ban pyn-um ïa ka pyrthei baroh kawei, tang da ki tiar nuclear. Kumta, ka US kam lah ban ailad ïa kane.
