Tehran, Iaiong:
U President ka Iran, u Masoud Pezeshkian, ha kane ka kynti u la pynrem jur ia u President ka United States- u Donald Trump, halor ka jingkren pyrshah jong u ia u Lyngdoh niam Pope Leo XIV halor ka jingkyntu jong utei u nongialam niam ban pynkut noh ia ka thma ha West Asia.
Ha ka jingpynbna hapoh ka rynsan X ha ka Sngi Nyngkong, u Pezeshkian u la thoh, “U Pope Leo XIV, nga pynrem ia ka jingshah lehbein jong Me na ka bynta ka jaitbynriew bah jong ka Iran, bad nga pynbna ba ka jingpynjah burom ia U Jisu, u nongiathuhlypa jong ka jingsuk bad ka jinglong parabangeit da uno uno u briew uba laitluid bad U Blei, kam long kaba lah ban pdiang.
Kane ka jingkren jong u ka long hadien ba u Trump u la sam ïa ka dur ba la shna da ka AI kaba pyni ïa u ha ka dur kaba long katto katne kum u Jisu Khrist. Hadien la weng noh ia katei ka post hadien ka jingkynthoh na ki bynta jong ki paidbah, kynthup ia ki katto katne ki nongkyrshan jong u.
Kane ka jingkren jong u ka long hadien ba u Trump u la sam ïa ka dur ba la shna da ka AI kaba pyni ïa u ha ka dur kaba long katto katne kum u Jisu Khrist. Hadien la weng noh ia katei ka post hadien ka jingkynthoh na ki bynta jong ki paidbah, kynthup ia ki katto katne ki nongkyrshan jong u.
Katei ka dur, ka la paw online tang hadien ba u President jong ka US, u la kynthoh ia u Pope Leo, halor ka jingleh jong u.
“U Pope Leo u long uba tlot ha ka kam runar bad uba shyrkhei na ka bynta ka Policy Bar Ri. U kren shaphang ka “jingtieng” ïa ka jingsynshar Trump, hynrei um kdew ïa ka JINGTIENG kaba ka Balang Katholik, bad baroh kiwei pat ki Seng Khristan, ki la don ha ka por COVID haba ki dang kem ïa ki lyngdoh, ki nongtrei, bad baroh kiwei pat, na ka bynta ban pynlong ïa ki Jingïaseng Balang. marwei,” la thoh u president ha ka post jong u.
“Ngam kwah ia u Pope uba pyrkhat ba ka long kaba OK ia ka Iran ban don ia ki tiar ialeh Nuclear”, u la bynrap.
Kitei ki jingkren, ki long hadien ki jingpeit bniah ba la leh da u Pope Leo, ha ka taiew ba kut, ha kaba u la maham pyrshah ia kaei kaba u la batai kum ka “jingpynshoi jong ka bor baroh” kaba pynlong ia ki kam shipai kiba iadei bad ka thma jong ka US bad Israel pyrshah ia ka Iran.
U Pope ha ka sngi Nyngkong u la kren halor katei ka mat ha ka jingleit jngoh jong u sha Africa. U la kren shai ba um shym la iohi ia lade ba un rung ha ka jingialeh pyrshah ha ka sain pyrthei.
“Ka khubor jong ka balang, ka khubor jong nga, ka khubor jong ka gospel: suk ki nongpynlong jingsuk. Ngam peit ia ka bynta jong nga kum u nongsynshar, u nongsynshar,” u la ong.
U Pope u la ong ruh ba um don “ka jingtieng” ïa ka jingsynshar jong u Trump ne “ban kren jam ïa ka khubor jong ka Gospel, kaba nga ngeit ba nga don hangne ban leh.”
