Washington, Iaiong:
Ka America kan sa phah shuh ïa ki shipai sha Middle East ha kine ki sngi ban wan wat haba ka jingïakren hapdeng ka Washington bad ka Tehran ka lah ban sdang biang ha kane ka taiew ba kut.
Katkum ka khubor na ka ‘The Washington Post’, ki shipai kiba shong ha ka jhad kit liengsuiñ USS George H.W. Bush ryngkat bad ki jhad thma bad kumba 4,200 ngut ki shipai duriaw bad shipai duriaw kiba don ha ka Boxer Amphibious Ready Group ryngkat bad ka kynhun shipai duriaw kaba la kiew ha ka liengsuiñ, ka 11th Marine Expeditionary Unit, la khmih lynti ba kin poi sha katei ka thaiñ ha kaba kut jong une u bnai.
Da ka jingsangeh thma kaba mynta kaba ar taiew hapdeng ka US bad ka Iran kaba la buh ban kut noh ha ka 22 tarik u Iaiong, ki shipai thymmai kin ïasoh lang bad ki shipai kiba la antad ba ki don kumba 50 hajar ngut kiba ka Pentagon ka la ong ba ki don bynta ha ki kam ban ïakhun pyrshah ïa ka Iran.
