New Delhi, Iaiong:
U nongrahktien jong ka India sha US, u Vinay Mohan Kwatra, u la leit ban kynduh ïa u heh nongmihkhmat jong ka tnat khaïi- pateng jong ka US- u Jamieson Greer bad ïa u heh nongai jingmut jong ka tnat ïada ka US- u Robert O’ Brien halor ki jingiatreilang ba thymmai hapdeng ka India bad US ha kine ki sngi ban wan.
Kane ka jingiakynduh hapdeng kine ki heh nongialam jong kine ki arliang ri, ka long ruh ha kum kane ka por ba ka India bad ka US ki dang iakren bad pynbeit halor ka ‘Bilateral trade Agreement (BTA)’.
Kumta, la ong ba ka kynhun jong ki heh nongmihkhmat ka India kin sa leit ban iakren sha US halor kane ka mat ba kongsan ba iadei halor ka kam khaïi- pateng hapdeng kine ki arliang ri, da ka jingthmu ruh ban wanrah jingmyntoi lang ïa baroh arliang ki ri.
