New Delhi, Iaiong:
Ha kane ka jingiakhun synreit um, kaba la ju tip da ka pyrthei baroh kawei kum ka ‘jingiakhun synreit um ba heh tam’, kaba long ka tamasa ba kyrpang jong ka Thailand bad kaba ju rakhe kum ka dak jong u snem ba thymmai. Ia kane ka tamasa la ju rakhe ha ka shiteng bnai jong u Iaiong man la u snem, hadien ka jing-ot kba, ha kaba, ia kane ka tamasa la ju pynlong khnang, ban lum lang ia ki bahaiing- bahasem baroh shi jaka bad ban kynmaw burom bad pyndon burom ia ki longshuwa manshuwa kiba la lam lynti ia ki shakhmat bad ki ju leit rung ruh sha ki jaka mane ‘Buddha’. Hynrei, ha une u snem, kane ka jingrakhe kaba la neh 1 taiew, ka la wanrah ia ka jingjia ba sngewsih ha kaba da ki spah ngut ki la mynsaw bad kumba 190 tam kiba khlad na katei ka tamasa.
Man la u snem, kane ka shuti ka pynmih ïa ka jingphetwir paidbah na ki nongbah kiba heh kum ka Bangkok katba da ki million ki leit sha ki jylla trai jong ki ban lehkmen ryngkat bad ka longïing. Hadien kata, 52 ngut ki briew ki la khlad ha ki jingjia ha surok tang ha ki ar sngi ba nyngkong jong ka jingrakhe. Ka jingpynher stet ka dei ka daw bah jong ka jingiap tang hapoh 42%, katba ka jingpyniaid kali da kaba buaid ka long 27.4% na ki jingjia aksiden, ong ka kaiphod.
La ai kyrteng thok ia ka “Ki hynñiew tylli ki sngi jong ka jingma,” ka jingiap ha kane ka tamasa ka dei ruh kaba la pynlong da ka “jingmareh bad ki kam kiba don jingma kum ka jingbym deng ia ki helmet”. Ki jingtip na ka tnad ba peit ia ki jingjia ba sngewsih
Wat hapdeng ka jingpynkynmaw man ka por jong ka sorkar, ki jingthmu ban ïada ïa ki briew bad ki aiñ kiba kham pyrkhing bha ban niah kali haba buaid, hynrei ka jingpynïap briew ka dang ïai bteng. Mynta u snem, la khmih lynti ba kane ka shuti jong ka ri Thailand kan khring kumba 500,000 ngut ki nongwan jngohkai pyrthei bad ka jingïoh khajna kan long haduh 30.4 billion baht ($940 million).
