Dhaka, Iaiong:
Ka ïingbishar jong ka Bangladesh ka la pyllait jamin noh ia uwei u riewkhuid jaitbynriew Hindu ‘Monk’, u Chinmoy Das, uba don dak sniew ha kawei ka kam, ha kaba u la sahkut hapoh ka jingtohkit haduh mynta. Ia katei ka jingbthah la pynmih ha ka Sngi Palei da ka ïingbishar na Chattogram hadien ba la pynsngew ia katei ka mat ba kongsan ha katei ka sngi. Ha katei ka mukotduma, la ong ba 6 ngut kiwei ruh ki kynthup lang bad u Chinmoi Krishna Das ha ka ejahar kaba la ujor ha u snem 2023. Ha ka 26 u Naiwieng jong u snem 2024, hapdeng ka jingiakynad halor ka jingpyllait jamin namar ka jingbym burom ia ka lama ka Ri, uwei u nongïasaid aiñ Saiful Islam u la shah pyniap. Kane ka long hadien ka jingjia ba u kpa jong u, u Jamal Uddin, u la leit ujor da ka ejahar pyrshah ia 31 ngut kiba u la jer kyrteng hapoh katei ka mukotduma.
Ia kine ki mukotduma la mudui halor ka jingshah thombor ha ki pulit, ka jingkhanglad ia ki kam sorkar, ka jingshah thombor ha ki nongiasaid ain bad ki nongmudui, bad ka jingbthei kyiad.
Ha katei ka mukotduma pyniap briew, ki pulit ki la aiti ia ka charge sheet ha ka 1tarik Jylliew mynshem snem, ha kaba la kdew ba ia utei u nongiasaid ain la pyniap hadien ka jingpynshit bad jingbthah na u Chinmoy Krishna Das.
Ha ka 25 tarik u Nailar, ka kashari ka la pdiang ia ka mukotduma pyrshah ia ki 39 ngut ki nongshah kynnoh ba kynthup ia u Chinmoy Krishna Das. Ka jingbishar mynta ka dang don ha ka kyrdan jong ka jingpynshisha jong ki sakhi.
