Melbourne, ïaïong 18:
Ki pulit, ki la kem ia uwei u briew ha Melbourne, hadien ba kawei ka kali, ka la kiew ha ka curb bad ka la tynrah ia ki briew kiba iaid kjat, ha kaba uwei u la iap.
Kawei ka kali Toyota kaba rong saw, ka la tynrah ia arngut ki nongleit nongwan, ha ka surok Langs ha ka thain Ascot Vale, ha ka sngi saitjain, ong ki pulit jong ka Victoria.
Uwei u nongleit jingleit u la khlad noh ha katei ka jaka, bad uba ar la rah sha hospital namar ka jingmynsaw kaba lah ban pyniap.
Ki pulit ki la iathuh ba ia ki jingjia ha katei ka jingshah tynrah ym pat lah ban pynthikna bad ia utei u briew uba la shah kem la dei ban kylli jingkylli.
Ki lad pathai khubor na kane ka thain, ki iathuh ba katei ka jinghap kali, ka la jia shabar jong ka Melbourne Showgrounds, kaba la pynlong ia ka Supanova Comic Con & Gaming, kaba ar sngi lynter.
Ka lad pathai khubor jong ka Sydney Morning Herald, ka la iathuh ba uwei u nongpeitkai, u la ong ba u “la iohsngew ia ka jingsawa bad uwei u briew u la kiew ia ka surok ha ka jingstet kaba khlem thikna, u la shoh ia arngut ki briew”.
U la ong ba ka kali ka la U-turn biang shapoh surok sha u shwa ba kan sangeh, bad u la kam ba u la khanglad ia u nongniah ban phet krad.
Ki dur jong katei ka jaka ki pyni ia ka jingker jong ki pulit sawdong jong katei ka kali kaba la paw ba ka don ka jingjulor kaba lah ban iohi.
La iathuh ba la khmih lynti ba da ki hajar ngut ki briew kin wan sha katei ka jingialang, kaba la batai ia lade kum ka “iing jong ki nongkyrshan jong ka kolshor pop jong ka Australia”.
La pynbna ia ki riew pawkhmat ba kynthup ia u nongak phlim Lord of the Rings u Andy Serkis bad u nongak phlim Harry Potter ka Bonnie Wright kum ki nongwan poi ha kane ka expo.
