Dhaka, Iaiong:
Ka Bangladesh ha ka Sngi Thohdieng, ka la ioh pdiang ia ka umphniang kali ‘Diesel’ kaba 5,000 Ton na ka India, hapdeng ka jingjynjar umphniang namar ka thma Iran.
Ïa ki mar ba thymmai la pynpoi sha ka Padma refinery ha Parbatipur kum shi bynta jong ka jingshalan umphniang kaba dang ïaid shakhmat kaba thmu ban pynthikna ïa ka jingpynbiang kaba thikna. “Sa 5000 ton ka umphniang diesel la pynbna ban poi sha Parbatipur Padma Oil Depot na India lyngba ka India-Bangladesh Friendship Pipeline,” la ong u Manager jong ka Parbatipur Padma Oil Depot u Md Ahsan Habib Chowdhury, ong ka khubor jong ka Dhaka Tribune.
Da pyntip u leh wa ka Parbatipur Rail Head Depot da sdang ko wow pdiang ya ki mar thymme nadooh ka 16 Naitung (April) katkam ka khubor ka Dhaka Tribune.
Katkum ka jingiathuh ki ophisar na katei ka tnad, ka Bangladesh kham mynshwa ka la ioh 8 hajar ton ka umphniang diesel na Parbatipur Depot kaba don ha Numaligarh ha India ha ka 14 tarik u Lber, hadien ba ka la pynpoi 22 hajar ton ha u Iaiong, ong ka khubor jong ka Dhaka Tribune.
Ki tyllong khubor ki iathuh ba ka umphniang Diesel ka la poi haduh 30,000 ton ha Parbatipur Depot na Numaligarh hapoh ka 14 jong u Lber, ong ka khubor jong ka Dhaka Tribune.
Katkum ka khubor jong ka Dhaka Tribune, la ong ba ki bor pyniaid jong ka Depot, ki khmih lynti ba kin sa pynpoi shuh shuh ha kine ki sngi ban wan, ha kaba yn pynpoi sa 7,000 ton ka umphniang diesel na ka Numaligarh Refinery Limited, hapoh ki saw ne san sngi ban wan.
Haba khein kyllum, la khmih lynti ba ka Bangladesh, kan ioh kumba 25,000 ton ka umphniang Diesel na India, haduh u bnai Iaiong, ong ka khubor jong ka Dhaka Tribune.
“Ka sorkar ka dang iai bteng ban wanrah ia ka umphniang diesel na India lyngba ki pipeline ban pynneh ia ka jingpynpoi umphniang kaba skhem bad ban pynthikna ba ka jingpynpoi umphniang kan ym don jingthut,” la ong u nongpyniaid ia ka depot, katkum ka khubor jong ka Dhaka Tribune.
Ban pynsuk ia ka jingtreikam kaba iaid beit iaid ryntih bad ka jingsam umphniang khlem jingthut, ka jaka buh umphniang ka dang plie ha ka sngi Palei watla ka dei ka sngi shuti paidbah, u la bynrap, ong ka khubor jong ka Dhaka Tribune.
