Kyiv, Iaiong:
Katkum ki khubor, la ong ba uwei u riew kieng-atiar u la synreit kuli naphang hapoh ka nongbah Kyiv jong ka Ukraine ha ka Sngi Saitjaiñ, ha kaba 6 ngut ki la khlad na katei ka jingjia bad katto- katne ngut pat kiba mynsaw ha katei ka jingjia ha ka iew paidbah ba bun briew, hashwa ba utei u nongsiat un shah siat iap noh hapdeng ka jingpyrshang jong ki pulit ban thwet bad kem ïa u.
U President ka Ukraine, U Volodymyr Zelensky, u iathuh ba ym duna ïa ka 5ngut ki briew, ki la iap bad 10 ngut, ki la shah sumar ha Hospital, namar ka jingmynsaw bad ka jingmynsaw, hadien ka jingshah siat ha kawei ka jaka sah jong ka nongbah.
“U nong thombor ha Kyiv uba la siat ïa ki riew paidbah la pynduh noh”, la ong u Zelensky ha ki social media, da kaba ai “ka jingsngewlem sha kiba haïing hasem bad kiba ieid ba thoiñ” jong kiba la shah pynjulor.
Ki dur ba la pynmih da ka tnat pathai khubor UNIAN, kiba ki nongthoh khubor kim shym la lah ban pynshisha mardor, ki la pyni ïa uwei u briew uba rah suloi bad siat ïa uwei u briew na ka jingjngai kaba jan bha hajan kawei ka block flat.
Hadien une u briew u la rung shapoh kawei ka dukan heh ha kaba la ïohsngew ïa ki jingsawa suloi, ong u mayor ka Kyiv u Vitali Klitschko ha ka sngi Saitjaiñ.
“La pyllait im ïa saw ngut ki nongshah rahbor”, la ong u Zelensky ha ka jingthoh ha ka social media.
Ki pulit jong ka Ukraine, ki la iathuh ba ki shipai ba kyrpang jong ki, ki la leit sha katei ka jaka, ha ka Holosiivskyi District, kaba don ha ka thaiñ shatei jong katei ka nongbah.
Ym shym la tip ïa ka jingthmu jong utei u nongthombor bad u Zelensky u la ong ba “ki jingjia baroh ki dang shah pynskhem”, da kaba kyntu “ban pynlong ïa ka jingtohkit kaba stet.”
