UK, Iaiong:
Katkum ka jingwad bniah, la ong ba, kumba mar shiteng na ki samla nongshong shnong jong ka UK kin ym nud ban rah tiar ialeh bad ban iakhun na ka bynta ka ri jong ki wat lada donkam, katba 38% ki ong ba ki lah ban pyrkhat ban leh kumta katkum ka jinglong jingman, la pynpaw ka jingwad bniah kaba thymmai ha baroh kawei ka ri.
Kane ka jinglap ka wan na ka jingpynmih kaba ar jong ka UK Youth Poll kaba la lum ïa ki jubab na palat 2,000 ngut ki briew kiba don hapdeng ka rta 16 haduh 29 snem.
Ka jingwad bniah jong ka John Smith Centre jong ka University of Glasgow ka pyni ba ka jinghiar ka jingshaniah ha ki jingkyrmen kiba jrong ka ktah ïa ka rukom ba ki samla ki iohi ïa ka lawei jong ki bad ïa ka jingiadei jong ki bad ka ri.
Ka jingwad bniah ka la ai jingmut ba tang 36% ki ngeit ba kin kham bha ban ïa ki kmie ki kpa jong ki. Katkum ka khubor, kane ka pyni ïa ka jinghiar kaba jur bha na ka 63% ha ka jingthep vote jong u snem ba la dep. Katba ka bhah jong ki nongkynthoh kiba khmih lynti ba kin kham sniew ka la kiew na ka 13% sha ka 38%.
“Ka jingmut ba ka pateng ban wan kan ioh ïa ka kham bha ban ïa kiba mynshwa, ka dei ka jingngeit kaba la seng nongrim la bun phew snem,” la ong u Eddie Barnes, uba dei u director jong ka John Smith Centre, kumba la kdew ha ka kaiphod.
U Barnes u la ong shuh shuh ba ki jinglap ki pyni ïa ka jingkhlad kaba shai na ka jingngeit kaba la slem bha ba kawei pa kawei ka pateng kan im kham bha ban ïa kaba mynshuwa. U la ai jingmut ba lada ki samla kim iohi shuh ïa kata ka jingkiew kum ka jingai te ka kylla long kaba duna ka jingbym khmih lynti ba kumba shiteng na ki ki ong ba kin ym nud ban ialeh na ka bynta ka ri ha kano kano ka jinglong jingman.
U Barnes u la ong ruh ba ki jingmih ki dei ban long kum ka dak sha ki nongthaw polisi kiba dei ban “pynphai biang ïa ka jingngeit jong ki samla ha ka lawei.”
Haba kylli shaphang ki mat kiba kongsan tam kiba ka UK ka ïakynduh, ki samla ki kdew khamtam eh ïa ki jingeh ha ka liang ka ioh ka kot bad ka imlang sahlang kaba man la ka sngi. Ka jinglut jingsep ka la mih kum ka jingeh kaba khraw tam, bud sa ka jingsngewkhia ba ki iing ki sem ki long kiba rem dor palat ne kiba eh ban ioh. La ju kdew ruh ïa ki jingeh ha ka koit ka khiah, ka jingwan buhai shnong bad ka jingioh kam.
Ryngkat bad kane, bun ki nongkynthoh ki la pynpaw ruh ïa ki jingsngewkhia shaphang ka kam ha ka lawei, khamtam eh ïa ka jingktah jong ka jingstad thymmai. Ki la sngewkhia ba ka lah ban pynduna ïa ki kam.
Ki jingïakynad ha ka pyrthei, kynthup ïa ki jingïakynad ha Gaza bad Ukraine, la ithuh da ki nongkynthoh hynrei kim shym la don ha ka kyrdan ba kongsan jong ki ïa ki jingeh ba man la ka sngi.
Kane ka jingthep vote ka wan ha ka por ba ki shipai jong ka UK ki dang ïai bteng ban ïakynduh ïa ki jingeh ha kaba ïadei bad ki nongtrei. Ki bor pyniaid jong ka tnat iada ri ki la batai mynshwa ïa ka jinglong jingman kum ka “jingeh ban thung bad bat ïa ki kam.”
