Turkey, Iaiong:
Ka iing dorbar jong ka Turkey, ha ka Sngi Balang ka la ioh ïa ka jingmynjur na kiba bun halor ka rai ban khang noh ïa ki khynnah kiba hapoh 15 snem ka rta ban iadon bynta hapoh ki rynsan ‘Social Media’, la iathuh ka tnat pathai khubor jong ka sorkar jong ka jylla Anadolu bad la ong ba ka Turkey ha kane ka por, kan long ka ri kaba khatduh eh ban pyrshang ïa kum kane ka jingpyrkhing.
Hapoh jong katei ka aiñ, yn khang ïa ki khynnah kiba hapoh 15 snem ban plie account ha ki Social Media, katba ki digital platform, kin shah pynbor ban buh ïa ki rukom pyrkhing ban pynshisha ïa ka rta jong ki nongpyndonkam, ong ka tnat pathai khubor jong ka Turkey.
Kane ka jingthep vote ka bud ïa ki dienjat jong ki jingkhang bad ki jingtyrwa kiba kum kita ban khanglad ïa ki jingsniew jong ka jingpyndonkam ïa ka internet na ka bynta ki samla, kynthup ïa ka sienjam ba pawnam jong ka Australia ban khanglad ïa ki social media tang ïa kiba la palat 16 snem ka rta.
La khmih lynti ba U President ka Turkey, U Recep Tayyip Erdogan, un soi ïa katei ka ain, kaba la wanrah da ka seng jongu.
Kane ka aiñ kan treikam hadien hynriew bnai ba la pynmih ha ka kot khubor sorkar.
Lada pyntip ïa ka “jingjia ba kyrkieh”, ki lad pathai khubor ba kongsan kin don ka kamram ban tuklar hapoh shi kynta hadien ba la pynmih ïa ki jingthoh kiba pynmynsaw ha ka online, la ong ka NTV.
Nalor ka Turkey, ka France ka la mihkhmat ïa ka jingpynbor ban leh ei ei ryngkat bad ki paralok jong ka EU ba kynthup ïa ka Denmark, Greece bad Spain – da ka jingkhang kaba jur bha ïa ki khynnah kiba hapoh 15 snem kiba trei ïa la ka jong ka lynti lyngba ka ïing dorbar jong ka France.
Ka wan hadien ba ka Australia ha u bnai December ka la long ka ri kaba nyngkong eh ban khang ïa ki briew kiba hapoh 16 snem ka rta ban pyndonkam ïa ki lad pathai khubor kiba pawnam bad kiba ïohnong haduh katta katta.
Ka Greece naduh katei ka por ka la ong ba kan khang ïa ki social media na ka bynta ki khynnah kiba hapoh 15 snem, katba ka European Union ka la ong ba ka kynhun jong ki riew shemphang kan sdang ban pynkhreh ïa ki jingai jingmut na ka bynta ban leh ha baroh kawei ka kynhun.
