Mali, Iaiong:
Katkum ki khubor, la ong ba u Myntri ka tnat ïada jong ka Mali, u Sadio Camara, u la khlad noh ha ka jingjia shah thombor hapoh ka iingsah jong u hi, la iathuh ki bahaiing- bahasem jong u ha ka Sngi U Blei, hadien ba ki shipai ki dang bteng ban ïakhun pyrshah ia ki shipai ïakhun jihad bad ia kiwei pat ki kynhun hajan jong ka nongbah Bamako bad ha kiwei de ki nongbah.
La ong ba u Sadio Camara, ryngkat bad ka kurim ba ar jong u bad kumjuh ruh 2 ngut ki khun ksiew jong u, ki la khlad noh hadien ba la shah bom kali ha ka iing jongu, ha ka jaka ba khlain jong ki junta ha Kita, shabar jong ka Bamako, la iathuh kiba ha iing jong u bad uwei u heh sorkar.
Ki jingthombor ba shyrkhei ha ka Sngi Saitjain, ba la iasnoh kti lang da ki lehnoh Tuareg jong ka kynhun synrop jong ka Azawad Liberation Front (FLA) bad ka kynhun jihadist for Support of Islam and Muslims (JNIM), ki la thombor ïa ki katto- katne ki jaka ha kane ka ri kaba heh bad kaba rkhiang.
Ka jingïakhun ka la sdang biang ha ka Sngi U Blei ha ki katto katne ki jaka, kynthup ïa ka Kita hajan Bamako, Kidal, Gao bad Severe.
Ha kajuh ka por, ki lehnoh Tuareg, ki la pynbna ia ka jingiateh kaba ailad ia ki shipai Russia, kiba kyrshan ia ka kynhun shipai jong ka Mali, ba kin mih noh na ka nongbah Kidal, kaba don shaphang shathie, kaba ki kam ba ka don “ba pura” hapoh ka jingsynshar jong ki.
Ka Kidal, ka jaka ba khlain jong ki Tuareg, ka la shah shim biang ha u Naiwieng jong u snem 2023 da ki shipai Mali ba la kyrshan da ka kynhun shipai Wagner jong ka Russia, kaba la pynkut noh ia ka jingsynshar jong ki lehnoh kaba la neh palat shisnem.
Ka FLA ka kam ruh ba ka la shim jaka ha ka thain Gao kaba shatei lam mihngi.
“Ka jingthmu jong ki nongthombor kam dei ban kurup bad synshar ïa ki nongbah, hynrei ban pynlong ïa ki kam ba ïatreilang ban ïoh kem lypa ïa u Kidal, uba dei ka dak kaba khlaiñ bor bha,” ong ka tyllong khubor pahara ha ka AFP ha ka sngi U Blei.
Ka Mali, ka la shah pynjulor la palat shisnem ha ki jingïakynad bad ki jingthombor jong ki jihadist, hynrei ki jingthombor jong ka sngi Saitjaiñ, ki dei kiba shyrkhei tam naduh u snem 2020, ha kaba ka junta, ka la shimti ïa ka bor synshar.
Ki la jia ha ki rud jong ka nongbah Mali, ka Bamako bad ha ki katto katne ki shnong bad ki nongbah ha kylleng ka ri Sahel kaba la saphriang bha.
