Texas, Jymmang:
Ha kane ka jingjia, la ong ba kawei ka liengsuiñ rit ka la kum leit hap bakla ha ka jaka ba bun dieng hapoh ka nongbah Texas, ha kaba baroh 5 ngut kiba shong hapoh jong katei ka liengsuiñ rit, ki la khlad lut.
Kane ka la jia ha ka por kumba 11 baje jong ka miet Sngi Palei hapoh Wimberley, ka nongbah kaba tang kumba 40 mer lane 65 kilomitar na ka phang Southwest jong ka Austin.
Kumta, la ong ba ia baroh kitei kiba shong hapoh kiba kynthup naduh u nongpynher ‘pilot’ jong katei ka liengsuiñ bad ki 4 ngut ki nongleit- nongwan kiba shong hapoh katei ka liengsuiñ, la pynbna iap naduh ka jaka ba la lap ia ki hi, ha ka por ba ki kynhun iarap ki la lap ia katei ka liengsuiñ na ka jaka ba ka hap.
