Moscow, Jymmang:
Ka Russia, ka la test ia u roket ba thymmai jongka, u Soyuz-5, ha ka sien kaba nyngkong, ong ka tnat haw haw jong katei ka ri, ha ka miet jong ka Sngi Palei, da kaba ong ba ka la kiew na Baikonur cosmodrome ha Kazakhstan khlem kano kano ka jingeh.
Ka Soyuz-5, kaba ka Roscosmos, ka tnat treikam jong ka Russia, ka batai kum ka liengsuiñ kaba la pyndap da ka engine ba khlaiñ tam ha ka pyrthei kaba pyndonkam da ka umphniang umphniang, ka la kiew da kaba jop ha ka por 2100 por Moscow (1800 GMT) ha ka 30 tarik u Iaiong.
Une u roket ba thymmai u lah ban kit ïa ki jingkit ba khia haduh 17 metric ton, un pynduna shibun ïa ka jinglut jingsep ha kaba pynher, bad u kham treikam ban ïa ki roket ba mynshuwa jong u ha kaba buh ïa ki tiar kum ki satellite ha ka orbit kaba jan bad ka pyrthei, la ong ka tnad.
U Dmitry Bakanov, uba dei u khlieh duh jong ka Roskosmos, ula ong ba katei ka roket- kaba ula iaroh kum ka “step kaba thymmai ha ka jingwad bniah sha suinbneng” kan thaw ia ki kam kiba thymmai ha Russia bad Kazakhstan.
U Bakanov u la ïathuh mynshwa ha u President Vladimir Putin ba ka Soyuz-5 ka dei ka liengsuiñ pynher thymmai kaba nyngkong eh kaba ka Russia ka la shna naduh u snem 2014.
