Shillong, Jymmang 04
Ka Balmanduri FC ka la pynliem ïa ka Attong Matgrik FC da 7-1 kol ha ka Group-G jong ka 5th Meghalaya State League 2026 ha ka lah sngi U Blei ha Williamnagar.
U Chichang M Momin (20′, 27′, 50′, 87′) u la thep marwei haduh saw kol, ryngkat u Ltchal Marak (36′, 66′) bad u Withnias G Momin (90′). Na ka liang ka Matgrik ka la pynphai shi kol lyngba u Sunil M Marak (58′).
Ha kawei pat ka jingïakhun jong ka Group-E ha Wahïajer, ka Ïatyllilang Lumsehkot CSC ka la jop da 2-1 kol ïa ka Lumphyrnai Sohphoh FC. Ïa kine la thep da u Leiwanki Laban (9′) bad u Firstborn Tyngkan (22′), hashwa ba u Sonowel Kharsati (79′) un pynphai kylla shi kol ïa ka Lumphyrnai Sohphoh.
