London, Jymmang:
Ha kane ka jingjia, la ong ba 2 ngut ki la khlad noh hadien ka jingbthei ha katei ka iing kaba don sha ka phang Shathie jong ka nongbah Bristol, ha kaba, ki bor pyniaid ki la pynpaw ka jingsuba ba lah ban don ki nongleh dusmon bad ki nongthombor haba iadei bad katei ka jingjia.
Ki pulit kiba la pynbna ïa katei ka jingjia ha katei ka sngi, ki la iathuh ba katei ka jingjia ka long kum ki kam thombor jong ki lehnoh bad lah ruh ban ong ba don ki dkhot jong kano- kano ka kynhun lehnoh kiba don kti ha katei ka jingjia.
Ki heh pulit ki iathuh ba ki dang bud-dien bad bteng ïa ka jingtohkit ha katei ka jaka bad ki trai jong katei ka jaka bad kumjuh ruh ïa kiwei de ki nongshong shnong jong ka Bristol, ban lap ïa ka daw jong katei ka jingbthei ka bym i-don jingthud na kiwei pat ki liang jong katei ka jaka.
Ha kajuh ka por la ong ba watla ki pulit ki la pynlong da ka jingtohkit kaba mar-mar hynrei ym shym la lap pat ïa kiba don kti ha kane ka kam, watla ki ngeit ba ka long ka kam thombor jongno- re jongno kiba don jingiadei bad kino- kino ki kynhun thombor.
Bad la ong ruh ba ym shym la don kiwei pat ki jingktah ïa kiwei ki jingdon- jingem ha katei ka jaka ne ïa ki para marjan iing.
