Shillong, Jymmang 06
Ka Meghalaya Football Association (MFA) ka la pynbna ïa ki 18 ngut ki rangïalehkai ki ban mihkhmat ïa ka Jylla ha ka Swami Vivekananda U-20 Men’s National Football Championship 2026, ka ban long ha Narainpur, Chhattisgarh.
Ïa kane ka kynhun yn ïalam da u Bah Jeffrey Warlarpih kum u coach. Te kumta ka Meghalaya ka la don ha ka Group-A kaba kynthup lang ïa ka Bihar, Andhra Pradesh, Rajasthan bad ka Jharkhand.
Kane ka kynhun kan pynkhreh ïa ka jingïakhun kaba nyngkong pyrshah ïa ka Bihar ha ka 9 tarik mynta u bnai, kumjuh ïa ka Jharkhand (11 tarik), Andhra Pradesh (13 tarik) bad ïa ka Rajasthan (17 tarik).
Na ka liang ka MFA ka la pynlong ka jingïalang kaba kyrpang ha ka lah sngi U Blei ryngkat ki kyntien kitbok kitrwiang ïa katei ka kynhun na u General Secretary Bah Sunesh Syiem, kumjuh u Vice-President Bah Cliff Nongrum ha ryngkat ki nongïalam jong ka kata u Bah Dipshon L Nongbri bad u Bah Freddy Kharpran.
Lah ban kdew ba ka Meghalaya ha u snem ba la lah, ka la shah rem noh ha ka semi final, katba ha u snem 2024 ka la shah rem tang ha ka jingïalehkai group. Te kumta mynta u snem la khmih lynti ba kan lah ban pynurlong na ka bynta ban kynjoh sha ka thong.
Ki kyrteng ki rangïalehkai ka Jylla
Goalkeeper: Jovialstar L Lyngkhoi & Kangkam G Momin
Defender: Bipiush G Marak, Dami-tre Kynjing, Imeral Jana, Pynshailang L Nonglait, Shemkupar Massar & Defender Sylliang
Midfielder: Phermanbha Lyngdoh, Sholinstar Syngkli, Gerald Ebenezer Kharbyngar, Menangpyndap Khongjee & Dawansalanmi Malang
Forward: Mebanlamlynti Masharing, Alex Manar, Ryan Gibbs Kharnaior, Samborlang Langte & Banganson Nongphlang
Ki nongïarap ki long u Bah Jeffrey Warlarpih (head coach), Khrawbok Syngkli (assistant coach), Amit Rai (manager) & Banisha Lapasam (physio).
