Washington, Jymmang:
U President ka America, u Donald Trump, ha ka Sngi Palei u la ong ba ka US kan pyni da ka bor bad kan phah da ki shipai jongka sha Iran, lada ki 3 tylli ki jhad ba kyrpang ka US kin shah pynthud ha ka Iran. Hynrei, u la ong ba ka US ka dang pyn-ap ia ka jingiakren ia pynbeit bad ka Iran wat haduh kine ki sngi.
“Kam shym la don kano kano ka jingpynthut ia ki 3 tylli ki lieng thma, hynrei ka jingjulor kaba khraw ka la jia ia ki nonghiar thma jong ka Iran,” u la ong ha ka Truth Social platform jong u, da kaba kren pynrem dusmon ia ki drone ba la julor jong ka Iran, kum ki thapbalieh kiba leit hap leit noh iap hi ha ki jaka ba la pynkhreh ban lypa ban tep ia ki.
Shuh shuh ruh u Trump u la byrngem ba un dang pyni shuh-shuh da ka bor lada ki bad jingkwah jong ka US kim lah ban urlong bad lada ka Iran kam kohnguh ia ki jingtyrwa bad ka US.
