Shillong, Jymmang 10
Ka kynhun ïalehkai ka Jylla ka la sdang da ka jingjop ha ka lympung ïalehkai Swami Vivekananda U-20 Men’s National Football Championship 2026 hadien ba ka la pynliem noh ïa ka Bihar da 3-1 kol ha ka sngi Saitjaiñ ha Narainpur, Chhattisgarh.
Ha kane ka jingïakhun u Samborlang Langte (20′) u la ïoh ban pynkhih jar nyngkong eh ha kane ka jingïalehkai jong ka Group-A bad ïa ka kol kaba ar la bynrap da u Menangpyndap Khongjee (26′) na ka bynta ban tam 2-0 kol ha ka kylla step.
Hynrei hadien ba la bteng ïa ka jingïakhun jong ka kylla miet, ka Bihar ka la lah ban pynphai kylla shi kol lyngba u Md Sadique Rahman (48′). Hashwa ban kut ka jingïalehkai ka la ïoh ban thep biang ïa ka kol kaba lai lyngba u Menangpyndap ha ka minit kaba 90’+6 na ka bynta ban pynthikna ïa ka jingjop ha kane ka lympung.
Te kumta kan pynkhreh ïa ka jingïakhun kaba ar pyrshah ïa ka Jharkhand mynta ka lah sngi U Blei ha ka por 7:30 mynstep.
