Shillong, Jymmang 11
U Myntri ba dei khmih ïa ka tnat ïalehkai jong ka Sorkar Jylla, u Bah Wailadmiki Shylla u la pynpaw ba ka jingpynkhreh na ka bynta ka National Games 2027 ka la ïaid shaid shaid bad mynta la dep ban pynthikna ïa ki kam ki jam khnang ba kane ka lympung kaba heh jong ka ri kan long kaba ïaid beit ïaid ryntih.
Haba pynpaw ha ki lad pathai khubor u la ïathuh ba na ka liang ki nongpynïaid jong ka Indian Olympic Association (IOA) ryngkat ki heh ophisar jong ka sorkar pdeng ki la wan jurip ïa baroh ki jingpyntrei ha kane ka nongbah bad ka Jylla ka la biang ban pynïaid ïa kane ka National Games.
Shuh shuh u la ïathuh ruh ba ha kine ki lai snem ba la dep, ka Jylla ka la lah ban pynlong ïa ka Meghalaya Games, ka Northeast Olympic Games bad ka South Asian Games. “Ngim don jingartatien ba kane ka National Games kan long kaba jop.”
