Washington, Jymmang:
U President ka US- u Donald Trump, ha kane ka sien, u la byrngem biang ia ka Iran bad ong ba kan shim por ia u tang 2 taiew ban pynliem ia ka Iran, da kaba ther bom ia baroh ki bynta ba kongsan jong ka Iran.
Ha ka jingïakren bad ki nongthoh khubor ha Washington, u Trump u la kyntu ruh ïa ka NATO kum ka “paper tiger” bad kynnoh ba ki paralok jong ka Washington kim shym la ïarap ha ka jingïakhun pyrshah ïa ka Tehran.
Kane ka jingkynthoh ka wan ha ka por ba la iathuh ba ka Iran ka la jubab ia ka jingtyrwa ba khatduh jong ka US halor ka jingpynkut noh ia ka jingiakynad kaba la sdang naduh ka 28 tarik u Rymphang da ka jinghiar thma jong ka US bad ka Israel ia ka Iran.
“Ki la shah rem ha ka liang ka shipai. Ha la ka jong ka jingmut jingpyrkhat, lehse kim tip ia kata. Hynrei nga tharai ba ki tip,” la ong u Trump ha ka jingiakren, shwa ban bynrap: “Kata kam mut ba ki la dep.”
U la ai jingmut ba ki shipai US ki lah ban “leit rung sa ar taiew bad leh ia kawei pa kawei ka thong. Ngi don katto katne ki thong kiba ngi kwah, bad ngi la leh lehse 70% na ki, hynrei ngi don kiwei pat ki thong kiba ngi lah ban hiar thma.”
“Hynrei wat lada ngim leh kumta, phi tip, kata kan long tang ki jingpynkylla ba khatduh”, la ong u Trump.
Halor ka NATO, u la ong ba ka jingiateh lok “ka la pynshisha ba ka dei ka sniang kot. Kim shym la don hangta ban iarap.”
