Washington, Jymmang:
Uwei u nong America u la shah rai set patok haduh 30 snem kynthih, halor ka jingpyniap ia u paralok ba jan eh jong u bad kumjuh ruh ia u nongshong synran jong utei u paralok ha ka sngi shongkurim jong u hi. U James Shirah, 24 snem ka rta, u nongshong synran na Michigan, u la pyniap ia u Terry Taylor Ha ka 30 tarik u Nailar jong u snem 2024, da ka kali SUV hadien ba la mih ka jingiakynad hadien katto- katne kynta ba la dep katei ka jingiathoh shongkurim jong u bad ka Savanah Collier ha katei hi kajuh ka sngi kaba un shah pyniap noh syndon.
U nongbishar Khary Hanible, jong ka ïingbishar jong ka Genesee County, u la pynngat ïa u James Shirah hapoh ki kyndon jingpynshitom kiba la dei ia u ban hap ban shong patok kumba 30 haduh 45 snem haba iadei bad katei ka kam pynïap briew kaba u la leh.
Haba kren ha ka iingbishar, u Shirah u la ong: “Tang kawei kaba nga lah ban leh ha ka jingim jong nga ka long ban pynpaw ia ka jingpanmap bad jingsngewsih jong nga. Ngan im hapdeng ka jingsngewsih halor ka jingbakla jongnga baroh shyrta.”
Ha ka por ba iasaid, u nongiasaid ain jong u Shirah, u Harrell Milhouse, u la kam ba katei ka dei ka jingjia ryngkhat hapdeng ka jingkiew ka jingbitar. “Ka la don ka jingialeh, ka jingiakren, ryngkat bad ka kyiad. Kane ka dei ka jinglong ha kaba phi don ki paralok, ki paralok ba iaineh ha ka jingim, ki paralok ba jan tam bad kiei kiei ki mih na ka jingpyniaid,” la ong u Milhouse.
U Taylor u dei u kpa jong ki 3 ngut ki khun bad u khmih lynti ia ka khun kaba saw bad ka samla ba u la iateh lok hynrei la ong ba kitei ki jingthmu jong u ki long lehnoh-ei lut bad ki la kut noh baroh tang ha ka sngi shongkurim jong u hi.
Ki pulit ki la pynpaw ba katei ka jingjia ka mih na ka jingïakynad hapdeng ki nongshong kurim thymmai bad u nongleit kurim hadien ka jingrakhe ïa ka jingkhawai shongkurim ha Flint Pizzeria.
