New York, Jymmang:
Uwei u samla ba 27 snem ka rta uba dei na ka ri India, uba la seng ïa ka kynhun thuk-thuk jong ki runar kaba la pynithuh ïalade kum ka ‘Punjabi Devils’ bad kumta, ka aiñ ka la rai ban set patok ïa u kumba 5 snem halor kitei ki jingkynnoh ba u don kti ha ki kam khaii be-aiñ ïa ki tiar siat bad u don ruh ha lade ïa ka suloi kaba khlaiñ bor kaba ju tip kum ka ‘Machine Gun’.
U Jashanpreet Singh na ka thaiñ Lodi jong ka nongbah California, u la shah rai pynrem ha ka Sngi Nyngkong, da u nongbishar District jong ka US, U Dale Drozd, da kaba rai set patok ïa u haduh 5 snem bad 4 bnai, halor ka jingkhaii be-aiñ ïa ki suloi bad ka jingbuh be-aiñ ïa ka suloi kaba khlem laisen, ong u nongïasaid aiñ jong ka US, U Eric Grant, ha ka Sngi Palei. Katkum ki kot ki sla jong ka ïingbishar, u Singh u dei u nongseng ïa ka ‘Punjabi Devils Motorcycle Club’, ka kynhun jong ki thuk thuk runar kaba don ha Stockton bad kaba don ka jingïadei bad ka Hells Angels, ka kynhun runar thuk thuk runar jong ka pyrthei kaba don ha California.
Ha u Jylliew jong u snem ba la dep, u Singh u la pyrshang ban die bun tylli ki tiar ialeh sha uwei u ophisar ba rieh, kynthup ïa kawei ka suloi kaba lyngkot, lai tylli ki tiar thombor, lai tylli ki tiar pynkylla suloi mashin, bad kawei ka revolver. Ka jingtalasi ïa ka iing sah jong u Singh ka la lap ïa kiwei pat ki tiar siat, kynthup ïa ka suloi mashin, kawei pat ka tiar pynkylla suloi, bad ka tiar pynjem sur.
Ki ophisar ki la lap ruh ïa kawei ka bom kti kaba la tap bad ba la pynïasoh lang kum u sohjew, bad kumjuh ruh ïa kaei kaba ki bor pynïaid aiñ ki ngeit ba ka dei ka par dewbilat kaba la tap da ki kor ki bor jong ki shipai. Ka jingtip ba bniah jong ka hukum jong ki tiar pynbthei jong ka kynhun pynbthei bom jong ka tnat sheriff jong ka jylla San Joaquin ka la pynjot ïa kine ki tiar ha katei ka jaka.
Ha kaba sdang, u Singh u la mad ïa ki jingshah kynnoh jong ka jylla ha San Joaquin County kiba ïadei bad kine ki kam runar. Ha u Jymmang jong u snem 2025, um shym la wan mih sha kashari, bad ka kashari jong ka jylla ka la pynmih da ka Bench Warrant ban kem ïa u.
Hadien katei ka taiew, ka FBI ka la ioh ïa ka jingpynbna na ka US Customs and Border Protection ba u Singh u la buh tiket sha India bad u dei ban mih na ka kad liengsuin jong ka San Francisco ha ka 26 tarik u Jymmang, 2025, ha kaba ki ophisar ki la lap bad kem ïa u Singh ha kad liengsuin shwa ba un phet krad.
U Singh u dang don ha ka jingshah set phatok jong ka sorkar pdeng.
