Shillong, Jymmang 15
Ka Shillong Lajong FC ka la pynliem noh ïa ka Rajasthan United FC da 4-2 kol ha ka jingïakhun jong ka lympung Indian Football League 2025-26 Championship Round mynta ka janmiet ka 15 tarik Jymmang 2026 ha madan SSA Stadium.
U Alan Thapa (21?) u la pynlamkhmat ïa ka kynhun jong u ka Rajasthan United FC kaba long ka kynhun nabar hynrei ka Lajong ka la ïoh ban shim ïa ka kabu da ka kol lyngba u Gladdy Kharbuli ha ka minit ba 39 bad bud sa ka kol jong u Everbrightson Mylliempdah (45’+1). Nangta u Gerard Artigas u la pynkhaid ïa ka Rajasthan da ka kol ha ka minit ba 59 hynrei u Phrangki Buam u la pynphai biang da ka kol lyngba ka penalty ha ka minit kaba 71 ban wanlam biang ïa ka jinglam khmat jong ki kynhun trai shnong bad khatduh da ka kol ka ba saw lyngba u Rudra Ved (79?) uba la don bynta ha ka jingialehkai ban pynjop syndon ïa ka Lajong.
U coach ka Lajong u Birendra Thapa u la pynbna ïa ka rukom ïalehkai kaba khlem kylla naduh ka jingïakhun pyrshah ïa ka Sreenidi Deccan FC.
Ka jingïalehkai ban wan jong ka Lajong kan long pyrshah ïa ka Diamond Harbour FC ïa kaba ka tarik ym pat shim la buh. Ka DHFC ka lah ban jop ïa ka nam ha ka sngi U Blei, hynrei kata kan long, lada ki lait na ka jingshah rem ha ka Dempo SC.
