UK, Jymmang:
Ki bor pyniaid ka UK ha ka Sngi Ba-ar, ki la pyntip ba ka la phah shong pynkyrpang ïa 10 ngut kiba la lap ba ki la ioh kem ïa utei u khñiang jingpang ‘Hantavirus’ na kawei ka dew lynnong jong katei ka ri, ba utei u khñiang jingpang u la saphriang. Katei ka jingpang, ka don ka jingiadei bad ka jhad jngohkai pyrthei, kaba heh bha ka MV Hondius, kaba la iaid lyngba ka South Atlantic bad kaba la sangeh ha ki katto katne ki jaka. Kitei ki 10 ngut kiba shah pynkynriah sha Britain, ki dei na ki jaka ba shabar duriaw, kum ka ïew Saint Helena bad ka ïew Ascension.
Katkum ka website jong ka cruise company, 32 ngut ki nongleit jingleit bad uwei u nongtrei jong ka lieng ki la hiar na ka jhad ha Saint Helena bad arngut ki nongleit jingleit ki la ioh ïa ka jingsumar lyngba ka Ascension Island.
Ka sorkar phareng kam shym la jubab mardor ïa ka jingkyrpad ban ai jingmut shaphang ki jinglong jong ki briew. Ka tnat ka koit ka khiah ka la bynrap ba ka jingma ïa ki paidbah ka dang duna bha bad ka la ong ba kan dang bteng ban wad ïa ki briew kiba ïakynduh bad ban buddien ïa ki briew kiba ïadei bad ka liengsuiñ.
