Tehran, Jymmang:
U Myntri kam bar ri jong ka Iran, u Seyed Abbas Araghchi, ha ka Sngi Palei haba ai jingkren hapoh ka jingialang jong ki Myntri kam bar ri jong ka kynhun BRICS, u la kyntu bad khot lang ïa baroh ki ri ban iatylli lang kawei bad ban ïakhun pyrshah ïa ka jingleh don bor jong ka America, da kaba kynthoh ba ïa kum kine ki rukom, ymdei ban ailad ba kan pynsah khana bad pynsah nam hapoh ka thoh- ka tar lane ka ‘histori’ jong ka pyrthei.
“Ha baroh kiba don ha kane ka kamra, ka jingpyrshah jong ngi pyrshah ïa ka jingshah lehbeiñ jong ka US kam dei ka thma kaba ngim tip. Kumta bun na ngi ngi ïakynduh ïa ki jingpher barit jong kajuh ka jingpynbor kaba sngewsih. Ka la dei ka por ba ngin ïatreilang ban ïaid shakhmat bad trei ban pynshai ba kita ki rukom leh ki dei jong ka thliew jaboh jong ka histori”, u la ong.
“Mynta, ki jaitbynriew jong ngi ki kham iajan iwei ïa iwei pat ban ïa kaba mynshuwa, bad ngim lah ban iehnoh ïa ka jingeh kaba iadei bad kaba ma kaba ngi baroh ngi iakynduh. Ka histori ka la pyni ba ki hima kiba dang hiar kin sangeh ha kano kano ka jaka ban kem ïa ki jingjot jong ki ki bym lah ban kiar. U mrad uba la mynsaw un lynniar bad lynniar ha ka lynti jong u ban hiar”, la ong u myntri kam bar ri jong ka Iran.
Kane ka jingkren jong u Araghchi ka long ha ka por ba katto katne ngut ki paralok ba kongsan jong ka pyrthei ki dang ïalumlang hangne ha New Delhi ban ïashim bynta ha ka jingïalang jong ki Myntri Bar Ri jong ka BRICS.
Ha ka jingpynbor kaba kongsan ban pynkhlaiñ ïa ka jingshngaiñ ha ka thaiñ bad ka jingïatreilang ha ki bun tylli ki ri, u Myntri Rangbahduh ka ri, u Narendra Modi, u la ïakynduh ïa u Myntri kam bar ri jong ka Iran, u Abbas Araghchi ha ka sngi Thohdieng.
Ka jingïakren kaba ha khlieh duh ka la long ha shilynter jong ka jingïalang jong ki Myntri Bar Ri jong ka BRICS ha New Delhi, kaba la pynpaw ïa ka por kaba kongsan ha ka jingïaid lynti jong ki arliang mamla hapdeng ki ar tylli ki paralok ba ïatreilang ha ka imlang sahlang.
