Shillong, Jymmang 18
Ka lympung ïalehkai 2nd DUBAKH Scholastic Bas -ketball League 2026 ka la poi sha kaba kut ha ka sngi Saitjaiñ ha kaba ka St. Mary’s Higher Secon-dary School bad ka Shil -long Commerce College ki la long ki lahduh ha ka liang ki kynthei bad shynrang.
Ïa kane ka lympung kaba la neh kumba katto katne taïew la pynlong da ka DUBAKH Sports Pvt Ltd. ha madan ïalehkai jong ka skul Pearly Dew kaba ha Jaiaw Laitdom, Shillong ha kaba ka la wan shim bynta da 16 tylli ki skul bad kolej kiba don kumba 190 ngut ki nongïalehkai kiba na kane ka Jylla. Ka jingthmu jong kane ka lympung ka long shi bynta ban kyntiew ïa ki kper sara jong kane ka jingïalehkai basketball bad ruh ban pynphriang ïaka khubor halor ka jingma jong ka jingkyrni ha u drok hapdeng ki samla.
Kane ka lympung ka la ïoh jingkyrshan ruh na ka DREAM Meghalaya, hapoh ka tnat Social Welfare jong ka Sorkar Jylla ha ryngkat ka U Matter, Vector X, bad ka DB Fast Food.
Ha ka jingïakhun final jong ki khynnah kynthei, ka St. Mary’s ka la pynliem noh ïa ka Mylliem Presbyterian Higher Secondary School da 36-16 poiñ. Ka St. Mary’s ka la lah ban ïalehkai bha naduh kaba sdang ha kane ka jingïakhun kat haduh ba ka la rah ïa ka nam lahduh.
Haba phai sha ka jing-ïakhun jong ki shynrang, ka Shillong Commerce College ka la pynliem noh da ka said ïa ka Thomas Jones Synod College, Jowai da 38-37 poiñ.
Lyngba kine kin nam jop, kine ki kynhun ki la ïohpdiang ïa ki khusnam pisa kiba mar T. 10,000, katba ki kynhun kiba wan ba-ar ki la ïoh mar T. 5,000 ryngkat ki trophy bad ki takma.
Ïa ki khusnam la sam da u Bah Roger Vincent Kharbamon na ka DREAM Meghalaya, kum -juh u General Secretary ka East Khasi Hills Dis-trict Basketball Associa-tion, u Inspector Mohit jong ka BSF Shillong bad kiwei kiwei.
