Shillong, Jymmang 19
Ka Imson SC ka la pynliem da 6-0 kol ïa ka Riatsam -thiah SC na ka bynta ban khur jingjop ha ka lympung ïalehkai SSA U-20 4th Division Football League 2026 ha ka sngi Ba-ar ha madan Third Ground, Polo.
U Fortunate Dkhar u la khur syndon da ka hat-trick hadien ba u la ïoh ban thep ha ka minit kaba 69′, 74′ & 78′. Katba ïa ki ar kol la thep da u Mebandonbok Nongsteng (4′ & 24′) lem bad u Naman Bisha Karma (59′).
Haba phai sha kawei pat ka jingïalehkai kaba ar, ka Them Rangshken SC ka la jop da 1-0 kol ïa ka Lumkseh SC bad ïa kane la thep da u Mabandonbok Malngiang ha ka minit kaba 38′.
Kane ka lympung kan bteng biang ha ka sngi Balang ha kaba ka Mawpdang SC kan ïakhun pyrshah ïa ka Lumpyngngad SC ha ka por 1 baje mynsngi, katba ka Thynroit SC ïa ka Laitlulong SC ha ka por 4 baje nohphai sngi.
