Shillong, Jymmang 20
Ka Arsenal ka la jop ïa ka nam lahduh jong ka Premier League na ka bynta ka samoi ïalehkai 2025-26 bad pynkut noh ïa ka jingap kaba la neh haduh 22 snem na ka bynta ban jop ïa ka khusnam ba heh tam jong ka lympung ïalehkai phutbol ka England.
Kane ka kynhun ka la pyntikna ïa kane ka nam lahduh hadien ba ka AFC Bournemouth ka la shu ïakhaid noh da 1-1 kol bad ka Manchester City ha ka miet Sngi Ba-ar. U Eli Junior Kroupi jong ka Bournemouth u la sdang ban thep kol shwa ba u Erling Haaland un pynïakhaid noh hadien na ka bynta ka City.
Lada pynïasoh bad ka jingjop jong ka Arsenal ïa ka Burnley da 1-0 kol, ka jingïakhun hapdeng kine ki ar kynhun kaba la long ha ka 18 tarik Jymmang 2026 ha madan Emirates Stadium. Ïa ka kol la thep da u Kai Havertz ha ka minit ba 36. Ka kynhun jong u Mikel Arteta ka la kiew saw poiñ katba dang sah sa kawei ka jingïalehkai, kaba pynlong ïa ki ban tam shakhmat bad ban ïoh rah syndon kum ka nam lahduh.
Ka dei ka jingjop kaba nyngkong jong ka Arsenal naduh ka samoi ïalehkai ba pawnam jong ka “Invincibles” ha u snem 2003-04 hapoh ka jingïalam jong u Arsene Wenger.
Kane ka jingjop ka pynkut noh ruh ïa ka ka Arsenal kaba lai sien lynter kaba shu wan man ka por tang ha ka kyrdan ba ar hapoh ka jingpeit jong u Mikel Arteta, uba mynta u la pyndap ïa ka khusnam Premier League halor ka jingjop jong u ha ka FA Cup.
Ka Arsenal ka dang lah ban thaw histori sa ha kawei ka jinglehkai katba ka dang pynkhreh ban ïakhun pyrshah ïa ka Paris Saint-Germain ha ka phainal jong ka UEFA Champions League ha ka 30 tarik Jymmang.
