Washington, Jymmang:
Ka sorkar Trump, ka la pynbna ïa ki jingkhang ïaid lynti ba thymmai bad ki lad ki lynti ba kyrkieh, hadien ba uwei u nongshong shnong jong ka America, ula ïoh ïa ka jingpang Ebola ha Africa, wat haba ki heh sorkar, ki la pynksan ba mynta ym pat don kiba ïoh ïa katei ka jingpang, hapoh ka ri America.
Kane ka jingpynbna ka long ha ka jingïalang ha White House ha kaba la kylli ïa u President Donald Trump hato ki nong America ki dei ban sngewkhia halor kane ka jingpang khlam. “Nga sngewkhia ïa baroh”, la ong u Trump. “La khanglad ïa ka mynta ha Africa, hynrei ka dei kaei kaei kaba la saphriang khlem da tip bad ka la poi shaduh ka ri.” Nangta u Trump u la khot ïa kawei ka heh jong ka tnat ka koit ka khiah jong ka sorkar, kaba la ithuh ïa ka ha ka por ba pynbna kum ka Dr Heidi Overton, ban ai ïa ki jingtip ba bniah halor ka jingkynthoh jong ka sorkar.
Ka Overton ka la ong ba ka ri America ka la sdang ïa ka “jingïarap ba pura hapdeng ki tnat treikam” kaba kynthup ïa ka tnat jong ka ri, ki jaka ban tehlakam bad ïada ïa ki jingpang (CDC), bad ka tnat thma.
“Don uwei u nong America uba don ki dak ki shin bad uba la ïoh ïa u khniang Bundibugyo, uba dei u jait khniang Ebola,” ka la ong.
Ka la bynrap ba ïa u nong America uba ïoh ïa ka jingpang bad hynriew ngut kiwei pat kiba don ha ka jingma yn pynkynriah noh na ka thaiñ ba shah ktah bad pynkynriah noh sha Germany ban shah sumar ha ka jaka sumar ba kyrpang na ka bynta ka jingpang khlam haemorrhagic fever.
Ka bor synshar ka la pynbna ruh ïa ki jingkhang rung mardor ïa ki bym dei ki nongshong shnong jong ka US kiba dang shu leit sha Uganda, Democratic Republic of Congo, Congo bad South Sudan.
“Ngi la buh tang mynta ka sngi ïa ki jingkhang rung sha ki bym dei ki nongshong shnong jong ka US kiba la don ha kane ka thaiñ ha kine ki 21 sngi ba la dep,” ong u Overton.
Ka la ong ba la dep pynmih ïa ki jingmaham ban leit jingleit na ka bynta ki nong America ha katei ka thaiñ bad ka la pynksan ba ki bor synshar ki shim ïa ki “lad ki lynti kiba khia bha” ban khanglad ïa une u khñiang jingpang ban poi sha ka ri America.
“Ia mynta ym pat don kiba ioh ïa ka jingpang Ebola ha America”, la ong ka Kong Ampareen. “Ngi kwah ban pynneh ïa ka kumta.”
U jait khniang Bundibugyo u dei uwei na ki katto katne ki jait khniang jingpang Ebola ba la tip bad u lah ban wanrah ïa ka jingpang hemorrhagic fever kaba jur bha ha ki briew. Ki dak jingpang bunsien ki kynthup ïa ka jingshit, jingsma, jingsma bad ka jingmih snam hapoh met. Une u khniang jingpang u saphriang lyngba ka jingïadei beit bad ki um met kiba la ïoh ïa ka jingpang.
Kane ka jingkynthoh jong ka White House ka la mih shen hadien ba ka CDC ka la pynlong ïa ka jingïalang ba kyrpang bad ki nongthoh khubor halor kane ka jingpur bad ki jingpyrshang ba dang ïaid shakhmat ban tehlakam ïa kane ka jingpang ha Africa. Ki heh jong ka US kim shym la pynpaw ïa ka jaka ba thikna jong une u nong America uba ïoh ïa ka jingpang hynrei ki la ong ba kane ka jingpang ka dang ïadei bad ka jaka ba la pur ïa ka jingpang.
