Shillong, Jymmang 20
U coach jong ka kynhun ïalehkai jong ki kynthei jong ka ri India, u Crispin Chettri, u la pynbna ïa ka kynhun ïalehkai ba nyngkong jong ki 26 ngut na ka bynta ka SAFF Women’s Championship 2026 ka ban long ha Margao, Goa, naduh ka 25 tarik u Jymmang haduh ka 6 tarik u Jylliew.
Kiba bun ki ‘thei ïalehkai ki la ïalum lang ha Goa ha ka Sngi Ba-ar hadien ba ka Indian Women’s League 2025-26 ka la kut ha Kolkata ha ka Lah Sngi U Blei. Ki nong ïalehkai ka East Bengal kin ïasoh bad kane ka camp ha ka Sngi Balang hadien ba la pynkut ïa ka Calcutta Women’s Football League ha ka Sngi Ba-ar.
Ha kane ka thup ki 23 ngut la kynthup ïa 2 ngut ki thei ïalehkai na jylla Meghalaya ka Ribansi Jamu kum ka nongap kol bad ka Sanfida Nongrum ha ki Midfielders.
Ka India kaba don ha ka Group B kan sdang da ka jingïakhun pyrshah ïa ka Maldives ha ka 25 tarik Jymmang hashuwa ba kan ïakhun pyrshah ïa ka Bangladesh ha ka 31 tarik Jymmang.
Ka kynhun A ka kynthup ïa ka Nepal, Sri Lanka bad Bhutan. Ki ar tylli ki team kiba jop na kawei ka kynhun kin rung sha ka semi-final, ka ban long ha ka 3 tarik Jylliew bad ka phainal kan long ha ka 6 tarik Jylliew. Ka madan Pandit Jawaharlal Nehru kan long ka madan ban pynlong ïa baroh ki jingïalehkai jong ka SAFF Women’s Championship 2026.
Ki kyrteng ki ‘thei ïalehkai na bynta ka SAFF Women’s Championship 2026:
Ki nong ap kol: Ka Panthoi Chanu Elangbam, Ribansi Jamu, Shreya Hooda.
Ki Defenders: Ka Astam Oraon, Juli Kishan, Nirmala Devi Phanjoubam, Purnima Kumari, Ranjana Chanu Sorokhaibam, Sarita Yumnam, Shubhangi Singh, Thoibisana Chanu Toijam.
Ki Midfielders: Ka Aveka Singh, Jasoda Munda, Priyadharshini Selladurai, Priyangka Devi Naorem, Sanfida Nongrum, Sangita Basfore, Shilky Devi Hemam.
Ki Forwards: Ka Grace Dangmei, Karishma Shirvoikar, Lynda Kom Serto, Malavika P, Manisha Kalyan, Pyari Xaxa, Rimpa Haldar, Soumya Guguloth.
