Washington, Jymmang:
U President ka US, u Donla Trump ha ka Sngi Ba-ar, u la kam ba u don haduh 99% ka jingithuh ha Israel bad ba u lah ruh ban leit ïakhun ïa ka shuki ‘Prime Minister’ ha katei ka ri kumba u long mynta u President ba don bor tam jong ka United States.
Haba ai jingkren sha ki nongthoh khubor ha katei ka sngi, u Trump u la pynpaw ïa ka jingsngew skhem jong u ba haduh 99% ka jingtikna jong u ba ka Israel kan kyrshan beit ïa u wat lada u leit ban ïakhun ïa ka shuki Myntri Rangbahduh jong katei ka ri.
Da kaba kdew ïa ka jingmynjur kaba heh bha jong u ha ka ri, u la ong, “Kumta lehse hadien ba nga la leh ïa kane, ngan leit sha Israel, ngan iakhun ïa ka kam myntri rangbahduh. Nga la don ka jingthep vote mynta ka step. Nga la long 99%.”
Haba ki nongthoh khubor ki la kylli ïa u halor ka jinghiar thma kaba lah ban jia ïa ka Iran, u Trump u la ong ba um kyrkieh ban poi sha ka jingïateh kular bad ka Islamic Republic.
Ki lad pathai khubor ki la bteng ban kylli ïa u Trump shaphang kaei kaba u la iathuh ha u Myntri Rangbahduh jong ka Israel, u Benjamin Netanyahu, halor katei ka jingshah thombor, ha kaba u nongialam ka Republican, u la jubab da kaba ong, “U dei u briew uba bha shibun, un leh ïa kano kano ka kam kaba nga kwah ba un leh. Bad u dei u briew uba khraw… Wat klet ba u dei u Myntri Rangbahduh ha ka por thma.”
U la kynnoh ruh ba ïa u Netanyahu ym shym la “leh hok” ïa u ha Israel, katkum ka jingong jong u.
U Trump u la pynmih ïa ka jingmaham kaba thymmai ïa ka Iran tang hynnin ka sngi, da kaba ong ba “kawei pat ka jingshah pynjot kaba khraw” ka lah ban wan namar ba ki ar tylli ki ri ki la poi sha ka jingeh kaba khraw halor ki kyndon jong ka jingïateh kular ba neh.
