Taiwan, Jymmang:
U President ka Taiwan, u Lai Ching-te, u la ong ba un sngew kmen bha ban ïakren bad u nongïalam jong ka US, u Donald Trump, ka jingïakren kaban pynthut ïa ka jingïateh kular kaba la neh palat saw phew snem bad kaba la wanrah ïa ka jingbitar lypa na ka China.
U Trump, u la iathuh ha ki nongthoh khubor ha ka sngi thohdieng, ba un sa ia kren bad u Lai, namar ba ka White House, ka thew ia ka jingdie tiar ialeh sha katei ka ïew synshar paidbah.
Ka dei ka sien kaba ar hadien ka jingïalang ha Beijing ha ka taiew ba ladep ba u Trump u la ong ba un sa khot ïa u nongïalam ka Taiwan.
Kum kane ka jingïakren kan long ka sien kaba nyngkong naduh ba ka Washington ka la pynkylla ïa ka jingïadei na Taipei sha Beijing ha u snem 1979 ba ki president ba dang shakri jong ka Taiwan bad ka America kin ïakren markylliang.
U Lai u la ong ba ka Taiwan ka “angnud ban pynneh ïa ka jinglong jingman kaba skhem ha ka Taiwan Strait” bad ba “ka China ka dei ka nongpynthut ïa ka jingsuk bad jingshong suk shongsaiñ”, la ong ka tnat kam bar ri jong ka Taiwan ha ka kyrwoh.
