Washington, Jymmang:
Katkum ki khubor, la ong ba ïa ka jingiakynduh jong u Donald Trump bad u Xi Jinping, la buh shim ba ka long ka jingjop ha ka kam saiñ hima- sima, katkum ka jingbuh jingthoh ha ki kot sah kynmaw jong u President ka Republican. Hynrei sha lyndet jong ki jingiakren ba buhrieh jongki, la ong ba ki nongai jingmut jong u Trump, ki ngeit ba kane ka jingiakren hapdeng u Trump bad u Xi, ka lah ban wanrah jingma shibun ïa ka Taiwan ha kine ki snem ki ban wan.
Namar la ong ba ki nongai jingmut ba kham rangbah jong u Trump ki sheptieng ba ka jinglam lynti na ka jingïalang jong u kaba dang shen bad u President jong ka China- u Xi Jinping, ka lah ban long ka jingma kaba khraw ïa ka Taiwan, naba ka China ka lah ban leit hiar thma pyrshah ïa ka Taiwan hapoh jong kine ki 5 snem ki ban wan.
Watla ka jingialang bad ka jingiakynduh hapdeng jong u Trump bad u Xi ha katei ka sngi ka long kaba shngaiñ bad kaba ïaid beit- ïaid ryntih, hynrei la ong ba kito kiba iajan bad u President ka US, ki dap da ka jingsngewsih kaba khraw haba iadei bad ki jingthmu jong ka China katkum ka jingiohsngew jongki lyngba katei ka jingiakren hapdeng jong u Trump bad u Jinping ha katei ka jingialang.
