Beirut, Jymmang:
Ki shipai Israel ki la pynjur ïa ki jinghiar thma ha ka bynta ba shathie jong ka Lebanon, katba u Myntri Rangbahduh ka ri u Benjamin Netanyahu u la bthah ïa ki shipai ban pynjur ïa ka jinghiar thma jong ki ha ka jingpyrshang ban “pynkhyllem” ïa ka hezbollah ba mihkhmat jong ka Iran, kaba la nang byrngem shuh shuh ïa ka jingsangeh thma kaba la ïapra lypa. Ha ka sngi thohdieng, ka jinghiar thma liengsuiñ jong ka Israel ïa ka shnong Mashghara kaba don ha Bekaa Valley jong ka Lebanon, ka la pynïap ïa 12ngut ki briew, namar ba la khot shuh shuh ïa ki shipai ha madan.
Hapdeng ka jinghiar thma kaba nang jur, uwei u heh shipai Israel (IDF), uba don haduh 600 ngut ki shipai hapoh ka jingpeit jong u, u la iathuh ha ka NDTV ba ki shipai jong u, ki ngeit ba ki ialeh pyrshah ïa kaei kaba ki ngeit ba ka dei ka “jingma kaba ap” ha kylleng ki bynta, kynthup ïa ka Gaza bad Lebanon.
Une u heh sorkar uba la tip kyrteng kum u Mr E, u la kren khlem da kwah ban pynpaw kyrteng. U la kam ba ka Hezbollah ka la tei ïa kaei kaba u la batai kum ka “jingtei jong ki lehnoh” ban thombor ïa ki shipai Israel.
U Mr E, uba don 31 snem ka rta, u shakri ha ki kynhun shipai jong ka Israel, hadien ba mynshwa, u la pynlut hynriew snem ha ka kam shipai kaba tyngeh. Ha ka jingim paidbah, u trei ha ka kam die jaka. Naduh ba ka thma ka la sdang palat ar snem mynshwa, u la ong ba u la wanphai biang bunsien sha ka kam ïaleh katba u dang pynïahap ïa ki kam ha ka longïing bad ka kam.
