Jerusalem, Jymmang:
ka Israel ha kane ka sien, ka la pynpaw ia ka jingthmu jongka ban thwet sa ia uwei u heh nongialam jong ka kynhun lehnoh Hamas na Gaza Strip, uba iadon kti ha ka jingleit hiar thma ia ka Israel ha ka 7 tarik u Risaw jong u snem 2023. Kane ka long ruh tang khyndiat sngi ba ka Israel ka la ioh ban pyniap ia u nongioh pateng jong u hapdeng ka jingleit khynra ba thymmai jongka sha Gaza Strip.
Ka tnat iada paidbah jong ka Gaza, kaba treikam kum ka tnat ai jingiarap hapoh ka jignsynshar jong ka Hamas, ha kajuh ka por, ka iathuh ba ym duna ia 3 ngut ki briew kiba la iap na katei ka jingleit hombor ka Israel bad kumba 20 ngut pat ki la ngat bad mynsaw ha ka ingleit hiar thma ki liengsuin ka Israel ha Rimal, ha ka phang ba Shathie jong ka nongbah Gaza.
Watla katta, la ong bym pat lah ban tip shai la utei u nongialam, u dang im ne u la shah pyniap ha ka jingleit khynra jong ka Israel ha ka Sngi Ba-ar.
U Odeh, u la shah thung kum u heh duh jong ki Ezzedine Al-Qassam Brigades, hadien ba u Ezzedine Al-Haddad, uba kham ha shuwa jong u, ula shah pyniap ha ka jingiakhih ha Gaza, ha kaba sdang jong u bnai Naitung.
“U Odeh u la shakri kum u khlieh jong ka tnad syntiat jong ka Hamas ha ka por ba jia ka jingpyniap pathar ha ka 7 tarik u Risaw bad la thung ïa u kumba shi taiew mynshwa kum u nongmih bujli jong u Ezzedine Al-Haddad,” ong ka kyrwoh na u Netanyahu bad u Katz.
“U Odeh u dei uba donkti ha ka jingpyniap, rahbor bad pynmynsaw ia kiba bun ki riew paidbah Israel bad ki shipai IDF,” la ong ka khubor.
Katkum ka jingbthah jong u Myntri Rangbah duh jong ka ri u Benjamin Netanyahu bad u Myntri ka tnad kam pohïing u Israel Katz, ka IDF ka dang shu hiar thma ïa u Mohammed Odeh ha Gaza, u nongïalam bathymmai jong ka tnat shipai jong ka seng lehnoh Hamas bad uwei na ki nongshna ïa ka jingpynïap briew kaba 7 tarik u Risaw.
