Washington, Jymmang:
Ka sorkar jong u President Donald Trump, ka thmu ban phah ïa ki nong America, kiba ngat ha ka jingpang Ebola, haba ki don shabar ri, sha ka jaka sumar ba thymmai ha Kenya, ha ka jaka ban pynher liengsuiñ ïa ki sha America, ong u heh jong ka sorkar ha ka Sngi Balang.
La ong ba katei ka long ka jaka sumar bad jaka pynthiah ïa ki nongshah sumar kaba la buh da ka tnat ïada ri bad ka tnat ka koit- ka khiah ka ban long ka jaka pynsah kyrpang naka bynta kito kiba la shah ktah ha utei u khñiang jingpang ‘Ebola’ kiba donkam ban mih noh na ka Democratic Republic of the Congo bad ban ïoh jingsumar kyrkieh, ong une u heh sorkar uba la kyntu ban nym pynpaw kyrteng ban ïasam ïa ki jingthmu jong ka sorkar Republican. Utei u briew u la ong ba katei ka jingthmu kan iarap ïa ki nongpang ban kiar na ka jingshah sumar sha US kaba shi kynta.
Ym shym la lah ban tip shano ha Kenya kan tei ïa katei ka jaka thymmai ne hato ka sorkar Kenya ka la iasoi bad mynjur ne emr uh halor katei ka jingthmu jong ka US.
U heh sorkar u la ong ba katei ka jaka kan lah ban tehlakam pura ïa ka jingsaphriang jong ka jingpang Ebola, ka jingpang kaba duna hynrei kaba jur bha kaba ju bam-duh syndon ïa ki mynsiem briew. Hynrei une u heh sorkar u la ong ba lah ban pynkit ïa ki briew shawei pat na ka bynta ka jingsumar kaba la kham kyrpang katkum ka jingdonkam.
U Myntri ka koit- ka khiah jong ka Kenya, u la pyntikna ba ki heh nongpyniaid hangtei, ki dang ïakren bad ka US, halor ka “jingpynkhreh bad ki lad jingïakhun naka bynta katei ka jingpang Ebola” hynrei, um shym la kdew satia, hato katei ka ri, kan buh ne em ïa katei ka jaka sumar naka bynta ki nong America.
Da ki phew snem, ki riew shemphang ha ka liang ka koit ka khiah ki la ai jingmut ban pynkynriah noh ïa ki nongpang kiba pang Ebola bad kiwei kiwei ki jait jingpang kiba kum kita katba lah lada jia ba ka jinglong jingman jong ki ka nang sniew, ong u Dr. Hynrei, u la bynrap, ka jingbha jong ka jingsumar ka dei ban long kaba ïaryngkat bad kaei kaba uwei un ïoh ha ki jaka sumar jong ka ri America.
“Phi dei ban pynthikna ba u nongpang un ioh ïa ka jingsumar kaba bha tam, bad phi donkam ban pynthikna ïa ka jingpyniaid ïa ka jingpang kaba bha tam,” la ong u Khan, uba kham mynshwa ha ka kam jong u u la ialam ïa ki jingpynkhreh ha ka pyrthei pyrshah ïa ka Ebola bad kiwei kiwei ki jingpang na ka bynta ki jaka sumar bad iada na ki jingpang jong ka US.
U Dr. Craig Spencer, u nonghikai ka koit ka khiah paidbah bad u doktor ba ai dawai kyrkieh ha ka Brown University uba la lait na ka jingpang Ebola ha u snem 2014, u la ong ba um khmih lynti ba katei ka jaka sumar ha Kenya kan ai ïa kajuh ka jingsumar kaba bha kumba ki jaka sumar ba kyrpang ha America ki ai. U la ong ba ka jingkyntait ban pyrkhat ban wanrah ïa ki nongpang Ebola na America sha ïing ban shah sumar ka dei “ka jingpyndem akor ïa kaei kaba kane ka ri ka dei ban siew ïa la ka jong ka ram.”
Ha ka por jong ka jingpang Ebola kaba jur bha ha ka thaiñ sepngi jong ka Africa ha u snem 2014 bad 2015, palat shiteng ngut ki nong America kiba la ïoh ïa kane ka jingpang la wanrah biang sha America. Kata ka jingjia ka la pynlong ban seng ïa ka kynhun jong ka US jong ki jaka pynkyrpang bad jaka pynkyrpang ha kylleng ka ri.
