Shillong, Jymmang 29
Ka Nongkseh SSCC ka la jam sha kawei ka bynta kaba heh ha ka lympung 5th Meghalaya State League ban ïoh rah ïa ka nam lahduh da ka ba pynliem noh ïa ka Rymbai Shkenshynriah SC da 3-0 kol ha ka jingïakhun semifinal kaba nyngkong ha ka jingïalehkai kaba la long ha madan SSA ha ka sngi Thohdieng 29 Jymmang 2026.
Ïa kane ka jingïalehkai kaba itynnad la pynlong ha khmat kawei pat ka madan kaba la dap da ki paid riew ieid phutbol kiba bun, kynthup ïa kiba bun ki nongkyrshan ba wan na kylleng na ka bynta ka Shkenshynriah, ki la shah pynbyrngia ha ka jingïalehkai phutbol kaba itynnad bha, kumba la thaw ïa ka MSL ban pynurlong ïa kum kane ha ka por ba la sdang da ka ka Meghalaya Football Association da ka jingkyrshan ba pura jong ka tnad Meghalaya’s Directorate of Sports and Youth Affairs ha u snem 2017.
Ïa ki kol la thep da u Arlangky Nongsiej (39′) ha ka kylla step bad ka Nongkseh ka la synshar bad lamkhmat ha ka kylla miet kumjuh da 2 tylli ki kol na u Chesterpaul Lyngdoh (75′) bad u Hardy Cliff Nongbri (86′). Ha kaba u Hardy Cliff u la ïoh ïa ka nam Hello Meghalaya Man of the Match bad ka song pisa da ka cheque kaba Rs 10,000 ryngkat ka memento na u Director ka NEIGRIHMS, Dr. Nalin Mehta.
Mynta ka Nongkseh kan kiew sha ka phainal ha kaba kan ïakhun pyrshah ïa ka kynhun ba jop ha ka jingïalehkai semifinal kaba ar jong ka Langsning FC bad ka Shillong Lajong FC, ka ban long lashai ka sngi ha ka por 6 baje janmiet ha madan SSA.
Ka Langsning ka la wan hakhmat duh ha ka Group B jong ka kyrdan Quarterfinal, ha kaba ka la jop san tylli ki jingïakhun bad shah rem kawei. Ki la ïaid ruh lyngba ka jingïalehkai ba nyngkong jong ka kynhun F bad ka jingïakhun jong ki ha ka Round of 16. Ka long kaei kaei kaba phylla ba ka Langsning ka la leit tang shisien sha ka semifinal jong ka MSL mynshwa, ha ka sien kaba nyngkong ha u snem 2017 ha kaba ka la shah rem noh ha ka Tynrongmawsaw SC.
Ka Shillong Lajong, kaba la jop lyngba ka kynhun E bad ka Round of 16 shwa ba kan shah pynhap ha kajuh ka kynhun ha ka Quarter Final kum ka Nongkseh. Ka Lajong ka dei tang ka lahduh barim kaba dang sah ha kane ka jingïakob, namar ba ka la jop ïa ka edition 2019. Ki la long ruh kiba wan ba-ar ha ka MSL 4.
