Shillong, Jymmang 31
Ka Nongkseh United FC ka la pynjem khnap ïa ka Nongpuir SC da 4-0 kol na ka bynta ban khur jingjop ha ka SSA U-20 4th Division Football League 2026, ha ka sngi Saitjaiñ.
Kane ka nam jop ka la wan urlong lyngba ki kol ba la thep da u Wanshailang Lyngdoh ha ka minit kaba 18, kumjuh u Stevenson Dkhar (27), Dakermame Nongsteng (31) bad u Samphrangshai Rani (42).
Kane ka lympung kan bteng biang ha ka lah sngi U Blei ha kaba ka Mawnianglah Youth SC kan ïakhun pyrshah ïa ka Umïew S&CO ha ka por 1 baje mynsngi bad ka Diengpasoh SC ïa ka Summit Academy ha ka por 4 baje nohphai sngi. Kine ki jingïakhun kin long ha SSA Stadium. Katba ha Seila Sap F&CC pyrshah ïa ka Laitkroh SC ha ka por 4 baje nohphai sngi ha madam MFA.
