Shillong, Jylliew 02
Ka Zee Entertainment Enterprises Ltd. (‘Z’), ka kompeni ba paw ha ka liang ka jingpynbna lyngba ki kor teknoloji, ka la pynmih ïa ki channel TV ba thymmai jong ka ïa kaba la tip kum ka ‘Unite8 Sports’ hadien ba ka la ïoh jingmynjur na ka tnat Information & Broadcas-ting jong ka Sorkar Pdeng.
La sdang ïa ka naduh ka sngi Ba-ar, ha kaba ki saw tylli ki sports channel ki long ka Unite8 Sports 1, Unite8 Sports 1 HD, Unite8 Sports 2 bad Unite8 Sports 2 HD ha kaba yn lah ban sakhi ha kumba 500 tam ki nongpynïaid ïa ki cable lyngba ka Dish TV, Tata Play, Airtel, Sun Direct, Siti Networks, Indian Cable Net Company Ltd., Hinduja Global, Fastway, Andhra Pradesh State FiberNet Ltd., Kerala Communicators Cable Ltd., Thamizhaga Cable TV Communications, V K Digital, UCN Cable Network, Take One, Sri Sai Cable, Kal Cable, Digiana, Bhimavaram, ka Axom nalor kiwei pat.
Kine ki channel ki dei ki ban pyni ïa ki jing-ïalehkai phutbol, kriket, kabaddi, badminton, wrestling, boxing, combat sports bad kiwei.
Katei ka channel Unite8 Sports kaba dangshu dep pyllait thymmai ka thmu ban wanrah ïa ki jingïalehkai hapoh kawei ka shatri na ka bynta ki paidbah nongpeitkai jong ka ri India.
Haba kren halor ki channel kiba thymmai, u Bavesh Janavlekar, Chief Business Officer ka Unite8 Sports, Zee Enter-tainment Enterprises Ltd., u la ong, “Da ka Unite8 Sports, ngi la tei ïa ka jingai kaba la pynkhreh bha, kaba lah ban pyni ïa ki jingïalehkai kiba bun jait kaba pynpaw ïa ka jingthrang kaba nangkiew jong ki nongpeitkai ha kylleng ka ri.”
“Ka jingthmu jong ngi ka long ban pynthikna ïa ka jingïohlad kaba khlem jingeh na ka bynta ki nongpeitkai, ba la kyrshan da ki jingïatreilang kiba khlaiñ ha kylleng ki jaka. Ngi la pynkhreh ban pyni ïa ki jingïalehkai FIFA World Cup ha ki channel jong ngi, bad ngi dangdon ha ka kyrdan kaba biang ban pynïoh ïa ka jingangnud ki paidbah ha kylleng jong ka Ri.”
Lyngba ka Unite8 Sports kan pynïasoh lang ïa ki paidbah lyngba ka bor jong ka jingïalehkai, kane ka channel kaba dang shu pynmih thymmai mynta ka dei tang ma ka, kaba lah ban pyni lyngba ki TV ban sakhi ïa ki jingïalehkai FIFA World Cup 2026, ka ban sdang naduh 11 tarik mynta u bnai u ha North America (US, Canada bad Mexico).
