Kremlin, Jylliew:
Ka Russia ha ka Sngi Ba-ar, ka la kynnoh ba ka thma Ukraine ka la poi sha ka kyrdan jingma kaba khraw hadien ba ka Ukraine ka la leit ban thombor kylla ia ka Russia. U nongrah ktien jong ka Russia, u Dmitry Peskov, u la kren ïa kane ha ki nongthoh khubor, haba kylli ïa ki, halor ka jinghiar thma ba jur jong ka Russia, ha ka por miet, ha ki nongbah jong ka Ukraine, ha kaba la ïap ym duna ïa ka 17ngut ki briew bad 100ngut ki la mynsaw. Ka Moscow ka la ong ba ka dang pynjur ïa ki jinghiar thma jong ki ïa ki thong shipai ha Ukraine kum ka jingpynshitom beiñ ïa kaei kaba ka la ong ba ka dei ka jinghiar thma kaba shyrkhei jong ki drone jong ka Ukraine ïa ka jaka sah jong ki samla pule ha Luhansk kaba la synshar da ka Russia ha ka dong mihngi jong ka Ukraine ha u bnai ba la dep kaba la pyniap ïa 21 ngut ki briew. Ka Ukraine ka kyntait ba ka la thombor ia katei ka jaka sah bad ka la ong ba ka la thombor ia ka jaka pyniaid drone ha katei ka jaka.
