UK, Jylliew:
Ka tnat shipai duriaw jong ka Britain, ha ka Sngi Palei, ka la jer kyrteng ïa katei kawei ka shipai kaba long tang ma ka hi ka shipai kynthei kaba pyniasoh ïalade sha ka tnat shipai ‘commando’ jong katei ka ri bad kaba la khlad noh ha ka jinghap bakla jong ka liengsuiñ ‘helicopter’.
Ka Lily-Mae Fisher, kaba la khlad noh ha ka por ba ka helicopter Merlin Mk4, ka la hap bakla ha ka por ba ki dang ai jinghikai ha ka thaiñ Shatei Lam Mihngi jong ka ri England, ka dei “ka dei tang ma ka hi, ka kynthei kaba pyniasoh ïalade sha ka Royal Navy Commando jong ka Britain”, la ong ki shipai duriaw.
Kane ka samla kaba 31 snem ka rta ka la ïaid lyngba ïa ka jinghikai kaba eh bha kynthup ïa ka jingïaid kjat kaba jngai 50 kilomitar ban long ka shipai kaba phong da ka beret rong saw ha u snem 2022.
Ka BBC, ha u snem ba la dep, ka iathuh ba ki don hynriew ngut ki kynthei, kiba la pyndep hok ïa katei ka All Arms Commando Course, naduh u snem 2001, ba kynthup ïa u Fisher, katba 17ngut ki la pyrshang ban pyndep ïa katei ka jinghikai.
Kumta, la iathuh ba katei ka lieutenant ka la shah pyniap ha ka jingbishar bniah ba khatduh jong ka ha ka jinghikai liengsuin bad ka dei ban ioh ïa ka kyrdan kum ka nongniah liengsuin mynta u bnai.
Ka la khlad noh ryngkat bad arngut kiwei pat ki shipai duriaw jong ka Royal Navy.
Ka Fisher ka don ïa ka Instagram account kaba don palat 45,000 ngut ki nongbud ha kaba ka kren shaphang ki jingeh ba ki kynthei ha ka kam shipai ki ïakynduh, kynthup ïa ka jingïakhun bad ka jingwan bnai katba ki dang don ha ka kam shipai.
